(၁) ခံယူချက် ခိုင်ခိုင်နောင်းနောင်းဟိခြင်း၊ ရခိုင်ပြေကို နိုင်ငံတနိုင်ငံလို့ အတိအကျခံယူခြင်း၊ ရခိုင့်လူ့အဖွေ့အစေးကို တသီးတခြား လူ့အဖွေ့အစေးအဖြိုက် ခံယူခြင်း။
(၂) ရန်သူကို သဘောထားပြတ်သားခြင်း၊ ရခိုင်ကိုကျွန်ပြုထားသူ နေချဲ့အားလုံးကို ခါးခါး၊ သီးသီး၊ ပြတ်ပြတ်၊ သားသားဆန့်ကျင်ခြင်း။
(၃) သူကျွန်မခံစိတ် အပြေ့အဝဟိခြင်း၊ ရခိုင်နိုင်ငံနန့် အမျိုးသားလပ်လွတ်ရီးကို အပြတ်အသားလိုလားခြင်း။
အမှန်ပင် ယင်းခေတ်က တော်လှန်ရီးမှာ နေချဲ့စနစ်ကိုကား ပြတ်ပြတ်သားသား ဆန့်ကျင်တိုက်ခိုက်ခကတ်တေ၊ လပ်လွတ်ရီးတိုက်ပွေးအတွက် အသက်ကိုပီးအပ်ပြီးကေ အသက်ထက်ဆုံး တိုက်ခိုက်ခကတ်တေ။
အဖရခိုင်လွပ်လတ်ရီး အတွက် အသက်နန့်သွီးကို မြီကြီးမှာ ပန္နက်ကျောက်မြိုက်ချပြီးကေ တော်လှန်တိုက်ခိုက်လားကတ်တေ။
ယင်းတော်လှန်ရီး ကျောက်မြိုက်ကို အဆင့်ဆင့်မြင့်တင်ပြီးကေ ရခိုင်လွပ်လတ်ရီးကို တည်ဆောက်ရဖို့ပင်ဖြိုက်တေ။
ဒေအမျိုးသားတော်လှန်ရီ သမိုင်းအမွီဆက်ကို အဂုခေတ် ရခိုင်အမျိုးသားတရပ်လုံးဆက်လက်ခံယူရဖို့ပင်ဖြိုက်တေ။ ယေကေ ငါရို့ဇာလုပ်ဖို့လေးဆိုကေ ဒေအမျိုးသား တော်လှန်ရီး သမိုင်းဆက်ကို ဆက်လက်တာဝန်ယူရဖို့လို့ ပြောရဖို့ပင်ဖြိုက်တေ။
(ဂ) ဗြိတိသျှအိန္ဒိယနိုင်ငံဆိုရေ စီးပွားရီးစားကျက်ကြီးကို ဖွေ့စေးခြင်း
AD. ၁၈၈၅မှာ ဗြိတိသျှအရင်း သျှင်နေချဲ့ရို့ ဗမာဘုရင် သီပေါမင်းကို ဖမ်းဆီးလိုက်ပြီးကေ သူ့ပိုင်နက်အားလုံးကို သိမ်းယူလိုက်တေ။
ယပြီးကေ ရခိုင်၊ သျှမ်း၊ ကချင်၊ ကရင်၊ မွန်၊ ချင်း၊ ကယား၊ ဗမာ အားလုံးကို စုပေါင်းလိုက်ပြီးကေ “ဗြိတိသျှဗားမား” လို့ ပြေနေတစ်ခုဖွေ့လိုက်တေ။
ယင်းပြေနေကို ဗြိတိသျှအိန္ဒ်ိယထဲမှာ ပေါင်းစပ်ပြီးကေ စီးပွားရီးစားကျက်ကြီးတခုအဖြစ် ဖွေ့စေးပိုက်လိုက်တေ။
အရင်းသျှင် နေချဲ့ရို့ရေ ရောက်ရာ အရပ်မှာ သူရို့၏ စီးပွား၊ နိုင်ငံရီး၊ လူမျိုးသြဇာညောင်းအောင် စိုက်ရီးအရ အနိုင်တိုက်ခိုက်ပြီးကေ အကောင်အထည် ဖော်လာကတ်တေ၊ ယင်းပိုင်လုပ်လာလပ်စွာမှာ နိုင်ငံငေတိကို သူရို့စိတ်ကြိုက်အတိုင်း ထင်ရေပိုင် လူမဆန်ဘဲလုပ်ပိတ်ခကတ်တေ၊ သက်ဆိုင်ရာနိုင်ငံ၏ ဆန္ဒလုံးဝမပါပဲ သူရို့အတွက် (IC.သူရို့၏ ကိုလိုနိနေချဲ့အကျိုးစီးပွား သက်သက်အတွက်) အဆင်ပြေပိုင် လုပ်ပိုက်ခကေတ်တေ၊ ပြင်သစ်နေချဲ့ရို့ရေ ဗိယက်နာမ်၊ လာအို၊ ကမ္ဘောဒီးယားရို့ကို ပေါင်းချင်ပိုင်ပေါင်းလို စပ်ချင်ပိုင်စပ်ပိုက်ခကတ်တေ၊ လူ့သဘောလူ့ဆန္ဒကို ဂရုစိုက်ရမှန်းကို သူရို့ ဂရုစိုက်ခကတ်၊ ရခိုင်၊ သျှမ်း၊ မွန်၊ ကချင်၊ ကရင်၊ ကယား၊ မွန်၊ ဗမာရို့ကိုလေ့ ဗြိတ်တိသျှနေချဲ့ရိုက သူရို့ပေါင်းချင်ပိုင်ပေါင်းလို့ စပ်ချင်ပိုင်စပ်ပိတ်ခရေ။
တခြားကမ္ဘာအာရပ်ရပ်မှာလေး သူရို့ဆန္ဒအရ ပေါင်းပိုက်ခစွာ၊ စပ်ပိုက်ခစွာတိအများကြီးပင်ဖြိုက်တေ။
သူရို့မာကား-သူရို့အတွက် ငွေရာအဓိကဖြိုက်တေ။ လူသိစွာသူရို့အတွက်အဓိကမဟုတ်၊ တခြားလူမျိုး လူစိုင်မမှီဖြိုက်လားစွာ သူရို့အတွက် စိုင်းစားစရာမဟုတ်၊ သူရိုအတွက်လူကျင့်ဝတ်၊ လူ့သိက္ခာဆိုစွာ လူကိုလူချင်း ဂရုစိုက်ရရေဆိုစွာကိုနားမလေ။
နားလေကေလေး သူရို့အတွက်အရာခပ်သမိးကား ငွေရာဖြိုက်တေ။
တပြေနန့်တပြေ၊ တလူမျိုးနန့်တလူမျိုး ပေါင်းစပ်လိုက်တေဆိုစွာရေ သာမံကိစ္စမဟုတ်၊ လူ့အဖွေ့အစေး၏ အမြင့်ဆုံးလုပ်ငန်း အထွဋ်အထိပ် အကျဆုံးလုပ်ငန်းဖြိုက်တေ။
ဂုပိုင်လူ့ကိစ္စကြီးတခုကို လုပ်ဆောင်ဖို့အတွက် သက်ဆိုင်ရာပြေသူရို့၏ ဆန္ဒ အပြေ့အဝပါဖို့လိုရေ။
ဂုပိုင်လူ့ကိစ္စကြီးတခုကို လုပ်ဆောင်ဖို့အတွက် သက်ဆိုင်ရာပြေသူရို့၏ ဆန္ဒ အပြေ့အဝပါဖို့လိုရေ။
လူမျိုးအမျိုးနန့်တမျိုး၊ တပြေနန့်တပြေပေါင်းစေးဖို့အတွက် တုံရန်သူတိုက်ပွေးမှာ အချင်းချင်း၊ စေးလုံးညီညွတ်ပြီးကေ ပေါင်းစေလားခစွာမျိုးဟိရေ။ တခါတခါ အမျိုးသားစီးပွားရီးအရ ပေါင်းစေးစွာမာ ပြေသူဆန္ဒ အပြေအဝပါကေ တရားရေ၊ မှန်ကန်ရေ။
အတင်းအားဓမ္မလုပ်ကေ တိုက်ရိုက်ဖြိုက်ဖြိုက်၊ သွယ်ဝှိက်လို့ဖြိုက်ဖြိုက်၊ လိမ်လေကျလားပြီးကေ လူမျိုးတမျိုးတေးကို ဗဟိုထားလို့ ပေါင်းစေးခကေ မတရား၊ မမှန်ကန်၊ ယင်းပိုင်ဆိုကေ အမျိုးသားတော်လှန်ရီးရေ မုချပေါ်ပေါက်လာရဖို့၊ အဂုဗြိတိသျှအရင်းသျှင် နေချဲ့ရို့ဖွေ့စေးလိုက်တေ ဗြိတ်သျှ- ဗားမားနန့်၊ ဗြိတိသျှ- အိန္ဒိယရို့ကြားမာ ရခိုင်ရေကြားပျိုက်ပါလားခရေ။
ယင်းပိုင် စီးပွားရီးစားကျက် ဖွေ့စေးရစွာရေ သူရို့၏အုပ်ချုပ်ရီးအတွက် ငွေကုန်သက်သာရီးဖြိုက်တေ။
ရခိုင်အကျိုးဆန္ဒ လုံးဝမပါကေ အားနန့်ဖိနှိပ်ချုပ်လားစွာရာဖြိုက်တေ။ လူသားဆန္ဒကို လုံးဝပြဌာန်းခွင့်မပြုဘဲနန့် သူရို့ချေလှယ်ချင်ရေပိုင် ချယ်လှယ်လားခလို့ ငါ့ရို့အမျိုးသားတော်လှန်ရီးနှိမ်နင်းခံလားရရေ။
ဖရိုမရဲဖြိုက်လားခရရေ။
(ဃ) ၁၉၃၇-ခု ဗြိတိသျှ- ဗားမားခွဲထုပ်ခြင်းနန့် မတ်(က်)မိုဟန် နေနမိတ်မျဉ်းကြောင်းသတ်မှတ်ခြင်း၊
ဗြိတိသျှဗားမားကို ဗြိတိသျှအိန္ဒိယနန့် တပေါင်းတေး ဖွေ့စေးထားရေအခါ ရခိုင် သမိုင်းအဆက်ဆက် သတ်မှတ်ထားခရေ။
ရခိုင်ပြေမှာ တစပ်တေး၊ တပြင်တေး ကူးလူးဆက်ဆံနိုင်ခရေ။ ဗမာပဒေသရာဇ်နေချဲ့ချုပ်ကိုင်ထားခရေ။
ရခိုင်ပြေတစိပ်တဒေသနန့် ဗြိတိသျှအရင်းသျှင် နေချဲ့ရို့ချုပ်ကိုင်ထားရေ အစိပ်အပိုင်းရို့မာ ဆိုခရေအတိုင်း တစပ်တေး ကူးလူးလားလာနိုင်ခရေ၊ ၁၉၃၅-ခု ဗြိတိသျှ-ဗားမားကို ခွေးထုတ်ဖို့ ဥပဒေအတည်ဖြိုက်တေ။
၁၉၃၄-ခုမှာ ယင်းဥပဒေအရ ဗြိတိသျှဗားမားလို့ သီးခြားကိုလိုနိတခုအဖြိုက် ဗြိတ်သျှ အင်ပါယာမှာ ရပ်တည်ခွင့်ရလာရေ။
ယင်းအတွက်နန့် သီးခြားနေနိမိတ် သတ်မှတ်လာရရေ။
“မတ်(က်) မိုဟန်” ဆိုရေ ဗြိတိသျှလူမျိုးတစ်ဦးက အစိုးရအမိအတိုင်း နေနိမိတ်မျဉ်းကြောင်းကို ရီးဆွဲလီရေအခါ ဗြိတိသျှဗားမား နေနိမိတ်ကို အဂုလယ်ဟိ နေနမိတ်အနိုင်း နတ်မြိုက်အလယ်က မျဉ်းခွဲလီရေ။
ယင်းအတွက်တာနန့် ရခိုင်ပြေမှာထက်ခြမ်းအစိပ်ခံလီရရေ။
ဗမာနေချဲ့ သိမ်းပိုက်ခရေအပိုင်းကို ဗြိတိသျှဗားမားအထဲမှာ ထေ့လိုက်တေ။ တောင်ခွင်ခရိုင် သံတွေးခရိုင်၊ ကျော်ဖြူခရိုင်၊ စိုက်တွေခရိုင်၊ ရခိုင်တောင်ရိုးဒေသရို့မာ ဆိုခရေအတိုင်း ဗြိတိသျှ ဗားမားထဲမှာ ပါလားခရေ။
ဘင်္ဂါ ၁၂ မြို့၊ ဗိုလ်မင်းထောင်၊ သက်ထောင်၊ ဖလံထောင်၊ မြုံထောင်ရို့ကို ဗြိတိသျှအိန္ဒိယမာ ထေ့ပိုက်လိုက်တေ။
အဂုပိုင်ရခိုင်ပြေ ထက်ခြမ်း အစိပ်ခံရလိုက်တေအခါမှာ ဆရာတော်ဦးဥတ္တမထေရ်၊ တရားသူကြီးဦးမေအောင်၊ ဦးစိန်လှအောင်၊ ဆာရ်ပေါ်ထွန်း၊ ဆာရ်ထွန်းအောင်ကျော်၊ ဒေါက်တာစံရွှေအောင်၊ နန့်တကွ ရခိုင်မျိုးချစ်၊ ပြေချစ်၊ ရဟန်းပုဂ္ဂိုလ်၊ လူပုဂ္ဂိုလ်ရို့၊ ယင်းခေတ်က ထင်ရှားကျော်ကြားခရေ နိုင်ငံရီးအဖွေ့အစေးအသီးသီးရို့ မကန့်မကွက်ဘဲ နိခစွာကား၊ တိုက်ပွေးမဝင်ဘဲနိခစွာကား၊ ငါ့ရို့ရခိုင်ပြေအမျိုးသားအတွက် ကောင်းကောင်းရှက်ဖို့ကောင်းရေ။
ရခိုင်သမိုင်းဆက်ကို မျက်ကွယ်ပြုရာကျရေ။
ဇာပင်ဖြိုက်ဖြိုက် လူမျိုးတမျိုး၊ နိုင်ငံတနိုင်ငံ၏ သက်ဆိုင်ရေနေနိမိတ်မျဉ်းကြောင်းရေ၊ ယင်းအမျိုးသားရို့၏ လက်ထဲမှာပင်ဟိနိရေ။
ယင်းအမျိုးသားရို့၏ မျိုးချစ်စိတ်၊ ပြေချစ်စိတ်၊ သတ္တိ၊ ဇွဲ၊ လုံးလ၊ ဝိရိယအပေါ်မာတေနိရေ။
No comments:
Post a Comment