အခန်း(၁) ဇာလုပ်ကတ်ဖို့လေး

၁။ သျှိက်တေ ရဲဘော်အပေါင်းရို့ ဒေနိန့်ငါရို့ ဇာလုပ်ကတ်ဖို့လေး

၂။ အေနိုင်ငံရီး၊ တော်လှန်ရီး၊ သံသရာဝဲကို စိုင်းစားယင်း၊ စိုင်းစားယင်း၊ 

အေမီးခွန်းရာတစ်ခုထွက်ပေါ်လာရေ၊ ကိုယ့်ဖာသာကိုယ်လေ့ အကြိမ်ကြိမ်၊ မီးမြန်းမီရေ။ ကိုယ့်ရေးဘော်တိကိုလေ့ ဒေမီးခွန်းကိုစိတ်နန့်အခေါက်ခေါက်အခါခါ မီးမြန့်ကြည်ရေ။ ငါစိတ်ကူးကြည်ရေ။ 

စိုင်းစားကြည်ရေ။ 

ဝေဖန်ကြေရေ။

ငါရို့ဇာလုပ်ရဖို့လေး အဖြေကား ငါရို့လွတ်လပ်ရီးရအောင်လုပ်ရဖို့။ 

လွတ်လပ်ရီးရအောင် ဘဇောင်လုပ်ရဖို့လေး လွတ်လပ်ရီးရအောင် တော်လှန်ရဖို့။ ဟုတ်ယာ၊ ဘဇောင်လွတ်လပ်ရီးမျိုးကို ငါရို့လိုရေလေး ဖိနှိပ်ခြင်းကင်းရေ (လူမျိုးရီးအရ ဖိနှိပ်ခြင်းကင်းရေ၊ လူတန်းစားအရ ဖိနှိပ်ခြင်းကင်းရေ) လွတ်လပ်ရီးမျိုးကို ငါရို့လိုလားရေ။

အဂယောင့်ပင် စင်ကြယ်မြင့်မြတ်တေ၊ ဖိနှိပ်ခြင်းင်းရေ လွတ်လပ်ရီးအတွက် ငါရို့တော်လှန်တိုက်ခိုက်ရမေ။

ဒေကာလမာ လွတ်လပ်ရီးတိုက်ပွေးကို ပြုပြင်ရီးနန့် စမ်းလို့မတွိ့။

ဖက်ဆစ်အာဏာအတွင်းမာ ပြုပြင်ရီးရေ ဖျက်ဆီးရေးကိရိယာတခု ဖြိုက်နိကတ်တေ။ တော်လှန်ရီးအောင်မြင်လာရေခါ နေးဗျူဟာပိုင်းမာ ပြုပြင်ရီးကိုလိုအပ်ကေ ထေ့သုံးရဖို့ဆိုကေ ဖြိုက်နိုင်ရေ။

ယကေလေ့ ဥပဒေတွင်း  လှုပ်ရှားရီးအခြီအနိကိုရာ ပီးနိုင်လိမ့်မေ။ 

အဆုံးအဖြတ်ကိုကား ပီးနိုင်ဖို့မဟုတ်။

ယင်းနန့်ရာ လွတ်လပ်ရီးအတွက် တော်လှတ်ရီးရာအဓိက ရခိုင့်လွတ်လပ်ရီးအတွက် ရခိုင်တော်လှန်ရီးရာအဓိက။ 

ယကေ ဘဇောင်တော်လှန်ရီးလုပ်ဖို့လေး။ 

တော်လှန်ရီးဆိုစွာအဆင့် (၃) ဆင့်ဟိရ။

ပထမအတင့်

 အမျိုးသားတော်လှန်ရီး (National revolution)

ဒုတိယတန်းအဆင့်

မြေသူ့ဒီမိုကရေစီတော်လှန်ရီး

တတိယအဆင့်

ဆိုချေလစ်တော်လှန်ရီး (Socialist revolution) ရို့ပင်ဖြိုက်ကတ်တေ။

ယကေ အေနိန့်ရခိုင်ပြောအမျိုးသားအနီနန့် ဇာတော်လှန်ရီးစခန်အဆင့်ကို ဆင်နွေးရဖို့လေး။ 

စာအုပ်ကြီးမာ စခန်းဆင့်ကို ရှာလို့မမှန်ကန်နိုင်။

ဥာဏ်ပညာထက်မြတ်မှုနန့် ရှာလို့မမှန်ကန်နိုင်။ 

လက်ဝဲအစွန်း၊ လက်ယာအစွန်းရို့မာ ရှာလို့မမှန်ကန်နိုင်။ 

ငါရို့ရခိုင့်ရုပ်ဘဝ သမိုင်းမာရာရှာရဖို့။

နောက်မြီးဆွဲဝါဒရို့နန့် ရှာလို့ရဖို့မဟုတ်။

သိပ္ပံနေးကျ တော်လှန်ရီးသဘောတရားနန့်ရာ ရှာလို့ရနိုင်ဖို့။

ရခိုင်လူမှုအဖွေ့အစေး၏ ရုပ်ဘဝ၊ ရုပ်သမိုင်းကိုလှည့်ကြည့်ကေ ကိုလိုနိဘဝ၊ ကိုလို့နီသမိုင်းကို တွိ့ရဖိုအမှန်။

ကိုလိုနီမာတောင်က ဖိုးကွယ်ခံ ကျွန်ပုန်းကိုလိုနီ (Hidden colony) ဖြိုက်နီရေ။ 

ကိုလိုနီ ရခိုင့်လူမှုအဖွေ့အစေးမာ ကိုလိုနီရခိုင်အမျိုးသားနန့် ဗမာနယ်ချဲ့ရို့၏ အဓိကပဏ္ဍဋိမက္ခအဖြိုက် တွိ့ရရေ။ 

ပထမစခန်းအဆင့်ဖြိုက်တေ အမျိုးသားတော်လှန်ရီးကို ကိုင်တွယ်ရဖို့ ပင်ဖြိုက်တေ။ ယင်းမှတပါး အခြားမဟိ။

မျက်မှောက်ကလမာ ဗမာဖက်ဆစ်နေချေ့ရို့ကို အမျိုးသားတော်လှန်ရီးနန့် ရခိုင်မြီက နှင်ထုတ်ပိုက်ရဖို့ပင်ဖြိုက်တေ။

ဒေစင်ကြယ်မွန်မြတ်တေအလုပ်ကို ငါရို့လုပ်ရဖို့ဖြိုက်တေ။ 

ငါရို့ယူရဖို့တာဝန်ဖြိုက်တေ။

ကိုလိုနီနိုင်ငံတစ်ခုမာ အမျိုးသားလွတ်လပ်ရီးမဟိဘေး၊ လူတန်းစားလွတ်မြောက်မှု မဟိနိုင်။

အမျိုးသားလွတ်လပ်ရီး မဟိဘဲ ဇာလူမှုတိုးတက်ရီးကိုမှ မလုပ်ဆောင်နိုင်။ 

ယင်းနန့်ရာ ကိုလိုနီရခိုင်မြီမာ ငါရို့ရခိုင်အမျိုးသားတရပ်လုံးအနေနန့် ပထမဆုံး အမျိုးသားလွတ်လပ်ရီးကို ဆင်နွေးလားရဖို့။ 

တချိန်တေးမာ ကိုယ့်ရခိုင်လူမှုအဖွေ့အစေးတွင်း ပဋိပက္ခ၊ လူတန်းစားထင်းပဋိပက္ခ၊ မျိုးနွယ်စုချင်းပဋိပက္ခ၊ ဒေသန္တရပဋိပက္ခ၊ နိုင်ငံရီးအုပ်စုချင်းပဋိပက္ခ၊ အားလုံးရေ လက်အောက်ခံပဋိပက္ခ ဖြိုက်နီသိလို့။

ယင်းပဋိက္ခကို အမျိုးသားရီးကိုဦးတည်လို့ မိတ်ဆက်အသွင် ဖြေရှင်းလားရဖို့။