အခန်း(၃)ရခိုင်အမျိုသား တော်လှန်ရီးသမိုင်းကြောင်း

(က) ဗမာပဒေသရိုက်နေချေ့ကို တော်လှန်ခြင်း ပထမပိုင်း (၁၇၈၄-၁၇၈၈-AD-၁၆၃၈ (ရခိုင်နှိုက်-၁၀၀၀-ပြေ) ခု၊ သီရိသုဓမ္မဘုရင် ကွယ်လွန်လားခကေ ရခိုင်လူမှုအဖွေ့အစေးမာ စေးရုံးရီးအင်အား လျှော့ဆင်စပြုလာလတ်တေ ယင်းအချိန်ထိ ရခိုင်ပဒေသရိုက် မြီသျှင်စနိုက်မာ အာရစ္စတိုကရေစီ (ARIATOCRACY) ခေါ် “သုခမိန်ထိန်းကွပ်ရီးစနိုက်” ခိုင်နောင်းကလေ့ နောက်ပိုင်းကာလ လူအုပ်ဝါဒခေါ် “မော်ဘိုကရေစီ” (Mobcracy) ထွန်းကားစပြုလာရေ။ ကိုယ်ရံတော်တပ်ရို့က အချုပ်အ သျှာအာဏာကို ကြိုးဆွေးလာလတ်တေ။

မြို့စား၊ ရွာစားများ (Feurallordo) က နန်းလုလာလတ်တေ။

မင်းမျိုးမင်းနွေအများစုနန့် ကိုယ်ရံတော်တပ် သားအများစုရေ ရခိုင်ပြေအစွန်အဖျားဖြိုက်တေ ကံသာ၊ ရီကြေဒေသလို့ တိမ်းယှောင်လားလတ်တေ။ 

ယင်းအချိန်ကား ရခိုင့်အကျအဆင်းကာလပင် ဖြိုက်တေ၊ ရခိုင်အမျိုးသားစေးရုံးရီး အပြိုင်အဆင်းကာလဖြိုက်တေ။

၁၇၈၄ (AC.၁၁၄၆) အထိ ဆူဆူပူပူ၊ လှုပ်လှုပ်ယှားယှားဖြိုက်နိရေ၊ ရခိုင်မြီသျှင် ပဒေသရိုက်စနှိုက်၏ အဆိုးဆုံးကာလပင်ဖြိုက်တေ။ 

AD-၁၇၈၄-က ဗမာနေချေ့ပဒေသရိုက်ဘုရင်မောင်ဝိုင်းရေ ရခိုင်ပြေကို ကျူးကျော်တိုက်ခိုက်ပြီးကေ သိမ်းယူလိရေ။

အစက ရခိုင်မင်းညီမင်းသားအချို့နန့် မောင်ဝိုင်းရို့ မဟာမိတ်ဖွေ့ကတ်ပြီးကေ ရခိုင်မင်းသား “ဟရီ” ကို မြောက်ဦးမှာနန်းတင်ဖို့ မောင်ဝိုင်းကို အခွန်ဘဏ္ဍာဆက်ဖို့လောက်ရာ အစီအစိုင်ဟိခရေ။

ယင်းနန့်ဇု လက်ဟိရခိုင်မင်းကို မထောက်ခံဘေး မင်းသား “ဟရီ” ကိုထောက်ခံရေ ရခိုင်မြို့စား၊ ရွာစားအချို့ မောင်ဝိုင်းတပ် ကျုးကျော်လာစွာကို ကြိုဆိုခကတ်သိရေ။

နောက်ပြီးမှရာ မောင်ဝိုင်း၏မဟာမိတ် သိုက်စာဖောက်ဖျက်ကြောင်းကို ရခိုင်ခေါင်းဆောင်တိ ရိပ်မိကတ်တေ။ 

ယင်းပိုင်ရိပ်မိလာရေ ခေါင်းဆောင်တိထေးက ဗိုလ်ချင်းပြန်၏အဖ မြို့သူကြီးဦး သံဒေလေ့ အပါအဝင်ဖြိုက်တေ။

ယင်းအခါကကား မောင်ဝိုင်းတပ်ရို့ လူက်ဦးမှုရလား ခယာဖြိုက်တေ။

နောက်မြီးဆွေးစိတ်နန့် သူတပါးအားကိုးစိတ်ဟိရေ လူတိုင်းဒေအမှားမျိုးကို ကျူးလွန်ကတ်တေချေးပင်ဖြိုက်တေ။

ဒခိုက်လူကြီး၊ လူငေတိကြပ်ကြပ်သတိထားစရာပင်ဖြိုက်တေ။ 

ဗမာမောင်ဝိုင်းရေ ရခိုင်ပြေမြောက်ဦးမြို့ကို အောင်မြင်ကေလေ့ ရခိုင်တပြေလုံးကိုကား သမိမ်းယူနိုင်ခ။ တစိပ်တဒေသကိုရာ သိမ်းယူနိုင်ခရေ။ 

နတ်မြိုက်အနောက်ဖက် ဘင်္ဂါ ၁၂ မြို့၊ ဗိုလ်မင်းထောင်၊ ဖလံထောင်၊ မြုံထောင်ရို့ကိုကား သူမရလီ။ 

အင်္ဂလိပ်သံတမံ ကပ္ပတိန်ကန်နိန်း (Captain canning) အင်းဝမြို့ကိုရောက်တေအခါ မောင်ဝိုင်းရေ ရခိုင်ပြေ ကျန်အစိပ်အပိုင်းဖြိုက်တေ ဘင်္ဂလားဒေသကို တိုက်ခိုက် သိမ်းယူဖို့ ကြံစိန်ကြောင်း တွိခရရေလို့ “ကပ္ပတိန် ကန်နိန်း” ၏မှတ်တမ်းမှာတွိ့ရရေ။

ယေကေလေ့ မောင်ဝိုင်းရေ နတ်မြိုက်အနောက်ဖက်ကို လုံးဝမရခ၊ သူမြိုက်ကိုကူးဖို့ကြံတိုင်း ရခိုင်တော်လှန်ရီးခေါင်းဆောင်ရို့၏ ခုခံတိုက်ခိုက်စွာကို အလှူးအလှေးခံစားခရရေ။

မောင်ဝိုင်းတပ်ရိုရေ ရခိုင်မြီးကို လိုချင်စွာထက် ယင်းဒေသမာ ခိုအောင်းနိရေ ရခိုင်တိကိုလိုချင်စွာက အားကြီးလို့ဖြိုက်တေ။

ယင်းရခိုင်တိကို ထုတ်ပီးဖို့စွာကိုလေ့ အင်္ဂလပ်နန့် ဆက်ဆံလာရရေအခါ မောင်ဝိုင်းရို့ အကြိမ်ကြိမ်တောင်းခံခကတ်တေ။

ယင်းအခါ ဗမာနေချေ့ရို့၏ ကြွေးကြော်သံက “ကျူပင်ခုတ် ကျူငုတ်မျှမကျန်စေနန့်” လို့ဆိုရေ ဆောင်ပုဒ်ဖြိုက်တေ။

(က) မဟာပဒေသရိက်နေချေ့ကို တော်လှန်ခြင်း။

ရခိုင်ပြေကိုကျူးကျော်ဖို့ ဗမာနေချေ့ရို့ ရခိုင်ပြေနားသို့ ဝင်လာရေခါ တောင်ကုတ်နေကတန်းလွေးစား ကျားရိဝတ် တောင်မင်းကြီးကျော်ထွီး စတင်ခုခံတိုက်ထုတ်ခရေ။

၁၁၄၆-ခု၊ နတ်တော်လဆန်း ၄-ရက်က ဗမာနေချေ့တပ်ရေ ရခိုင်ပြေကို ထိုးထေါက်ဝင်ရောက်လာရေ။

ယင်းနှိုက် ယင်းလ၊ လဆန်း ၉-ရက် စနိနိက တောင်မင်းကြီးကျော်ထွိး ခုခံတိုက်ထုတ်လိုက်တေ။

နောက်တခေါက် ယှိုင်လာရေအခါလေ့ တိုက်ဖျက်လိုက်တေ။

၁၁၄၆-ခု နတ်တော်လဆန်းက ဗမာနေချေ့ အလုံးအရင်းနန့် ဝင်လာရေခါ တောင်မင်းကြီးရေ မြောက်ဦး၊ မင်းပြားက၎င်း၊ ရမ်းပြေ့ကျွန်းက အိမ်ရှိမင်းဟောင်း သက်စံရွှေရို့ပါး က၎င်း၊ မာန်အောင်မြို့စား ဗိုလ်ထွန်းအောင်ကျော်ရို့ပါးက၎င်း၊ စိုက်ကူတောင်းလိုက်တေ။

ယေအခါ အချင်းချင်း သံသယဝင်နိကတ်လို့ စုစုစေးစေး နေချေ့ကိုခုခံဖို့စိတ်ဓာတ် မရောက်နိုင်ခကတ်။

 တကွေးတပြားစီ ဖြိုက်နီကတ်တေ။

(၁) မြောက်ဦးဘုရင် မဟာသမ္မတရာဇာအပြင်

(၂)ငကြေးတောင်က ဓါးမနိုင်တမင်း

(၃)မန္နေးချောင်းကျွန်းက ကောင်းညွန့်ရန်တိုင်တမင်း

(၄)ကြပ်စင်ကျွန်းက ဓါဒပိုင်ကြီး သံဒေတမင်း

(၅)ရိုးကျွန်းက ကုလားရွှေစာတမင်း

(၆)တန်းလွေးက တောင်မင်းကြီး ကျော်ထွီးတမင်း

(၇)မာန်အောင်ကျွန်းက သတိုးဖြူတမင်းရို့ပင်ဖြိုက်တေ။

အစုအငေအများအပြားပင် ဟိနိကတ်တေ။

ယင်းနန့်ဇု ဗမာနေချေရို့ရေ တခုပြီးတခု တိုက်ခိုက်ချိုးနှိမ့်ဖို့ လွေကူလားခရေ။ ဗမာနေချေ ပဒေသရိုက်ကား ပရိယေအရာက ပြေတန်းဆာပိုင် လှေ့ဖျားတတ်တေအတိုင်း၊ ရခိုင်သိုက်စာဖောက်တိကို ရှိကတင်ယူခပြီးကေ ပြေသူလူထုကို တပတ်ရိုက်ခသိရေ။ 

ယင်းနန့်ဇု အချို့အချို့ရွာဇားရို့သိမင်းကြိုဆိုပွေးတိကို လုပ်မိခကတ်သိရေ။

တောင်မင်းကြီးရေ ရခိုင်အမျိုးသား တော်လှန်ရီးသမိုင်းကြောင်းကနေချေ့ကို ပထမဆုံး ပွေးဦးနင်း တိုက်ထုတ်ခကတ်သိရေ။

တောင်မင်းကြိးရေ ရခိုင်အမျိုးသားတော်လှန်ရီး သမိုင်းကြောင်းက နေချေ့ကို ပထမဆုံး ပွေးဦးနင်း တိုက်ထုတ်ခ သူဖြိုက်တေ။ စိုက်အင်အားမမျှလို့ တန်းလွေးချောင်းက ဆုတ်ပြီးကေ ရမ်းပြေ့၊ သံတွေး၊ မာန်အောင်နေက ခေါင်းဆောင်တိကို တပ်ပေါင်းစုဖို့၊ ဗမာနေချေ့ကို တိုက်ထုတ်ဖို့ကြိုးစားခရေ။ မှန်ကန်ရေမဟာဗျူဟာ၊ နေးဗျူဟာပင်ဖြုက်တေ။

တောင်မင်းကြီးရေ နောင်တော်ဓါးပိုင်ကြီးစံပေါ်ရွှိ၊ ရမ်းပြေ စားဗိုလ်ပေါလုံး၊ လမုစားဗိုလ်လှခိုင်၊ ရမ်းပြေ စားဗိုလ်ထွန်းအောင်ရို့နန့် လူအင်အားသုံးသောင်းကျော် စုစေးပြီးကေ တုံးကျောက်ဆိပ်တိုက်ပွေးက ဗမာနေချေ့ကို အနိုင်ယူလိုက်တေ။

ဒုတိယတကြိမ် ပြင်းပြင်းထန်ထန်တိုက်ရရေ။

ယှုံနိမ့်လို ယင်းကတဖန်ဆုတ်ပြီးကေ ပဂေးချောင်းကျွန်းက ခေါင်းဆောင်ကောင်းညွန့်ရန်တိုက်ဗိုလ်ထွန်းပေါ်ဝေရို့နန့် ပူးပေါင်းပြန်ရေ၊ ယင်းကအားနန် ဗမာနေချေ့ကိုတိုက်ခိုက်လိရေ။ 

ယင်းတခါအားမမျှလို့ မယူတမ်းသို့ဆုတ်ခံရရေ။ 

ယင်းနောက်ပိုင်းနှိုက်ကပင် မဟာဓမ္မရာဇာမင်း၊ သားတော်အိမ်ရှိမင်း မောင်သက်စံရွှီရေ ယောက်ဖတော် စိုက်ကွပ်ဗိုလ်ချေ့ စွေနန့်အတူ ရမ်းပြေ့မြိုက်ဝတိုက်ပွေးက ဗမာနေချေ့တပ်တိကို ပြင်းပြင်းထန်းထန်းတိုက်ထုတ်ခကတ်ကေ။

ယင်းတိုက်ပွေးက ဗိုလ်ချေ့စွေကျဆုံးလို့ ရခိုင်တပ်ပျက်ကာ နောက်ဆုတ် လီရရေ။ ဗမာနေချေ့ရိုလေ့ ယင်းအခါ အိမ်ရှိမင်းသက်စံရွှိ၏ ဇင်ချောင်းနေကို သိမ်းပိုက်လိုက်ကတ်တေ။

 တောင်ပိုင်းက ရခိုင်ဗိုလ်မင်းတပ်မင်းရို့ ဖရိုဖရီးပြိုကွေးလီကေ ဗမာနေချေ့ရေ ရခိုင်ပြေမြောက်ပိုင်းသို့ ချီးတက်လာကတ်ပြီးကေ ၁၁၄၆-ခု၊ ပြာသိုလ်လဆုတ် ၆-ရက်က လောင်းကြက်မြို့ဟောင်းက တပ်တေပြီးက မြောက်ဦးမြို့တော်ကို တိုက်ခိုက်လီရေ။

ယင်းနိကပင် ရခိုင်ဗိုလ်မင်းတပ်မင်းရို့လေ့ လောင်းကြက်တပ်ကို ထွက်တိုက်လီရေအခါ ယှုံးနိမ့်ခရေ။ ယင်းနန့်ဇု တိုက်ဂျီတော် ၃၀-နန့် မြောက်ဦးဘုရင် မဟာသမ္မတရာဇာမင်းရေ ယင်းနိသိုင်းခေါင်အချိန်က ရမ်းပြေ့ကျွန်းကိုဆုတ်လီရရေ။

နောက်တရက်ပြာသိုလဆုတ် ၇-ရက် စနိနိက ၁၇၈၄-ခု၊ ဒီဇင်္ဘာလ၊ မြောက်ဦးရွှိမြို့တော်ကို ဗမာနေချေ့ရို့ သိမ်းပိုက်လီရေ။

ပြာသိုလကွေ တနင်္ဂနွိနိ ၁၇၈၅-ခု၊ ပြာသိုလ၊ ကျွန်းသာယာက ရခိုင်မင်းတရားကို ဗမာနေချေ့ရို့ လက်ရဖမ်းဆီးမိလို့ အမရပူရမြို့တော်သို့ ပို့လိုက်ကတ်တေ။

အထက်က ဆိုခရေအတိုင်း ဗမာနေချေ့ရို့ရေ “ရခိုင်မင်းသားဟရိ” ကို နန်းတင်ဖို့လို့ ဥပါယ်တမည် လုပ်ထားလို့ ပြေသူအများစုက ထင်တလုံးနန့် မျှော်ကိုးနိခကတ်တေ။ “ရခိုင်မင်းသားဟရိ” ကွေလွန်ရေခါ “မုတ်ဆိတ်တပုတ်” မင်းသားကို နန်းတင်ဖို့လို့ လှေ့စားထားပြီးကေ ပြေသူကိုချုပ်ကိုင်လိုက်တေ။ ယင်းအချိန်ခါက ဗမာနေချေ့ကိုဇွေးသတ္တိအပြေ့နန့် တော်လှန်နိရေ ရခိုင်ခေါင်းဆောင်ကြီးကား တောင်မင်းကြီးကျော်ထွီးပင်ဖြိုက်တေ။ ယင်းနန့်ဇု ဗမာနေချေ့ရိုက သူရို့လက်တွင်းသို့ ကျရောက်သမျှ ရခိုင်အမျိုးသားအားလုံးကို သုံးပန်းအဖြိုက်သတ်မှတ်ပြီးကေ “နေထွက်ဘုရင် ကျွန်တော်မျိုး” ဆိုရေစာတန်းကို ပိရွက်၊ ထန်းရွက်၊ ဝါးခြမ်းရို့မာ ရွီးပြီးကေ လိုင်ပင်းမှာဆွေးထားစီရေ။

ဆွေးမထားရေလူကို တောင်မင်းကြီးလူလို့ ယူဆပြီးကေ သတ်ပိုက်ကတ်တေ။

၁၁၄၆-ခု တပိုတွေးလဆန်း ၁၃-ရက်၊ တနင်္ဂနွိနိက မောရပပ္ပာဒတောင်ထိပ်က မဟာမုနိရုပ်ရှင်တော်၏ ကိုယ်စားတော်ကို ဗမာနေချေ့ရို ပင့်ဆောင်သိမ်းယူလားခကတ်တေ။

ရခိုင်ပြေအရပ်ရပ်က ဓာတ်တော်၊ မွိတော်ပေါင်းကအစ ပြေသူရို့၏ပစ္စေး၊ ဝန်ဆန်၊ ကျွေးနွား၊ ကြက်ဝက်၊ အဆုံးထိ ရသမျှသိမ်းယူကာ ဗမာပြေသို့ပြန်လီကတ်တေ။

မြောက်ဦးမြို့တော်က နန္ဒပကျန်ကို မြို့စောင့်၊ ပြေစောင့်အဖြိုက် ဗမာနေချေ့က ထားပိုက်ခကတ်တေ။

မြို့ဝန်နန္ဒပကျန်လက်ထက်က ရခိုင်တပြေလုံး ပြေသူရို့ရေ ရရာလက်နက်ကိုဆွေးပြီးကေ တွိ့ရေနေချေ့ကို ဆက်လက်တော်လှန်ကတ်တေ။

ပြေသူရို့၏ပြန့်ကြေးနီရေ တော်လှန်ရီးသွီးကန်ကို စုစုစေးစေးလုပ်ပီးဖို့ ခေါင်းဆောင်ကောင်းအလိုအပ်ဆုံးအချိန်ပင်ဖြိုက်ကေလေ့ အာဃာတနန့် ဂိုဏ်ဂနတရားပြင်းထန်နီလို့ တဦးတယောက်လေ့ တိုးတက်ခွင်မရခ။ အချင်းချင်း ကွေးကွေးပြားပြား တော်လှန်လို့ပင်ဟိကတ်တေ။

မှတ်ချက်။

အေနိထက်တိုင် အေဒဏ်ကိုခံနိကတ်ရသိရေ စိုက်မှန်ရေတော်လှန်ရီး အဖွေ့အစေး တိုင်းရေ ဂိုဏ်ဂနလှိုင်းကို လုံးဝပေဖျက်ပြီးကေ ပြေသူလိုင်းကို အဓိကအာရုံစိုက်ကတ်ကေ ညီညွတ်စုစေးရီးဆိုစွာချက်ချင်းဖြိုက်လာရလိမ့်မေ။ ဂိုဏ်ဂနာအာနာကို အခြီခံစွာရေ အတ္တကိုအခြီခံစွာဖြိုက်ပြီးကေ အမျိုးသားတရပ်လုံးဘဝကို အခြေခံသူရာ စိုက်မှန်ရေ တော်လှန်ရီးသမား (ဝါ) အဖွေ့ဖြိုက်လိမ့်မေ။

အေအဖွေ့ကိုရာ အမျိုးသားတရပ်လုံးလေ့ ထောက်ခံလာလိမ်မေ။ 

ယင်းပိုင် အမျိုးသားအင်အားစုတိအချင်းချင်း မညီမညွတ်ဖြိုက်နိရေအချိန်က ဗမာနေချေရို့ကား ရခိုင်ပြေသူရို့ကို ရခိုင်သမိုင်းတလျှောက်လုံးက တခါလေ့မကြုံဖူးအောင် အုပ်လိုက်သတ်ဖြတ်နိရေ။