ချိုက်တေရီးဖေါ်အပေါင်းရို့ အေနိဇာတော်လှန်ရီးမျိုးနန့် တော်လှန်ရဖို့လေး၊ ဒေမီးခွန်းကိုအထက် ကတော့ခါတဆိတ်ကေလောက် ဆွေးနွေးခယာဖြိုက်တေ။
ယေကေ အကျေချေ့လို့မဆွေးနွေးခင် ရှိးအထက်က အမျိုးသားခေါင်းဆောင်ကြီးတိ ဇာတော်လှန်ရီးမျိုးကို လုပ်ခကတ်တေလေးဆိုစွာကို တချက်လောက် လိ့လာကြေကတ်ဦးမေ။
ယင်းစောင်ရို့ရေ ဇာတော်လှန်ရီးမျိုးကို လုပ်ခကတ်တေလေး။
တော်လှန်ရီးစခန်းဆင့် (၃) ဆင့်ဟိစွာမာ ပထမစခန်းဆင့်ကို လုပ်ခကတ်တေလေးလား။ မဟုတ်ကေ ဒုတိယအဆင့်ကို လုပ်ခကတ်တေလား။
တတိယ ဆင့်ကို လုပ်ခကတ်တေလား။
တနေး အမျိုးသားတော်လှန်ရီးကို လုပ်ခကတ်တေလား။ မဟုတ်ကေ လူတန်းစားတော်လှန်ရီးကို လုပ်ခကတ်တေလား။
မဟုတ်ကေ ဆိုယှေလိတ်တော်လှန်ရီးကို လုပ်ခကတ်တေလား။
ရခိုင့်လူမှုအဖွေ့အစေး ရုပ်သမိုင်းနန့် ရခိုင်တော်လှန်ရီး သမိုင်းကို လိလာကြေလိုက်ကေ ပထမစခန်းဆင့်၊ အမျိုးသားတော်လှန်ရီး ဆင်နွေးခကြောင်း တွိးရဖို့ပင်ဖြိုက်တေ။
ငါရို့အဖရခိုင်ပြေရေ AD-၁၇၈၄ (AC-၁၁၄၆) ကပင်လွတ်လပ်တေ၊ မှိခိုကင်းရေ၊
အချုပ်အချာအာဏာပိုင်ဆိုင်ရေ၊ အမျိုးသားနိုင်ငံဘဝက လွတ်လပ်မှု မှီခိုကင်းမှုအချုပ်အာချာအာဏာပိုင်ဆိုင်မှုတိ လုံးဝဆုံးယှုံးလခပြီးကေ ကိုလိုနိကျွန်ဘဝကို ကျရောက်လခစွာ ဂနိထက်ထိလွတ်လပ်ရီးမရသိ။
အမှီအခိုကင်းရေ အချုပ်အချာအာဏာပိုင်ဆိုင်ရေ အမျိုးသားနိုင်ငံဘဝကို မရောက်နိုင်သိ၊ ယင်းကြောင့် ကျွန်ဖြိုက်လခရေ “၁၁၄၆-ခု ပြာသိုလဆုပ် ၇ ရက်” နိကပင် သို့မဟုတ် ဗမာ့ပဒေသရိုက်နေချေ့ရို့ ရခိုင်ပြေကို စလို့ဝင်လာရေ ၁၁၄၆-ခု နတ်တော်လဆန်း (၄) ရက်နိကပင် တော်လှန်ရီး၏ ဖခင်ကြီး ကျော်ထွီး စတင်ဆင်နွေးခရေ ရခိုင်ပြေ အမျိုးသားတော်လှန်ရီးကား အဆုံးသတ်အောင်ပွေးကို ဂနိထိမရောက်သိ၊ ယင်းကြောင့် အမျိုးသားတော်လှန်ရီး အဆုံးသတ်အောင်ပွေးဖြိုက်တေ အမျိုးသားလွတ်လပ်ရီး အောင်ပွေးအတွက် ရခိုင်ပြေ အမျိုးသားတော်လှန်ရီးကို ဆက်လက်ဆင်နွေးကတ်ရဖို့။
No comments:
Post a Comment