(ခ) ဗြိတိသျှအရင်းသျှင်နေချေ့ကိုတော်လှန်ခြင်း ၁၉-ရာစုရခိုင်တော်လှန်ရီး အခန်း(၃) အဆက် ၃

ရခိုင်ပြေအတွင်းမှာ ၃-ပွင့်ဆိုင် ရန်သူ ၃ဦးအနက် ရခိုင်အမျိုးသားတော်လှန်ရီးအင်အားမှာ ဗိုလ်ချင်းပြန် ကွေလွန်ကတေးက တရွိ့ရွိ့ ကျဆင်းလားခယာဖြိုက်တေ။ 

အရအခါမာ ဗြိတိသျှအရင်းသျှင် နေချေ့နန့် ဗမာပဒေသရိုက်နေချေ့ရို့ အင်းအားပြိုင်ဆိုင်မှု အစပြုဆိုင်မှု အစပြုလာယာဖြိုက်တေ။

ဗြိတိသျှရို့မျာ ကျဆင်းပြိုပျက်နီယာဖြိုတ်တေ၊ ရခိုင်အမျိုးသားတော်လှန်ရီးအင်အားကို အရံအဖြိုက်သိမ်းသွင်းယူဖို့ ကြိုးစားလာရေ။

ဗြိတိသျှရို့ပရိယေကို ဗုဒ္ဓဘာသာဝင် ရခိုင်ခေါင်းဆောင်ကြီးကျော်ပုံသာ၊ အမ်းစားပြေစိုးကြီး၊ ကျွန်းအုပ်ဗိုလ်အောင်ဇံရို့က အလွေတကူ သဘောတူလိုက်တေ။

အခြားအကြောင်းတချက်ကလေ့ ရခိုင်ပြေကို ဓါးမိုးအုပ်ချုပ်နိရေ ဗမာပဒေသရိုက်နေချေ့လက်အောက်က လွတ်လပ်ချင်ရေဆန္ဒ ပြင်းပြစွာဖြိုက်တေ။

ဗမာနေချေ့ကို တိုက်ထုတ်ပြီးကေ ကိုယ့်ပြေကိုပြန်အုပ်ချုပ်ဖို့ လွတ်လပ်တေရခိုင်ပြေအဖြိုက် ထူထောင်နိုင်ဖို့အတွက် ဆန္ဒစောခစွာရာဖြိုက်တေ။

ရခိုင်နန့် ရခိုင်အမျိုးသား တော်လှန်ရီးအင်အားစုရေ ဗိုလ်ကျော်ထွီး၊ ဗိုလ်ချင်းပြန်ရို့ ဦးဆောင်ရေအခါပိုင် ကိုယ်ပိုင်ပြဌာန်းခွင့် (Self-ifantification) နန့် မရပ်တေနိုင်ခဘေး ဗြိတိသျှနေချေ့ရို့၏ အရံအင်အားစုအဖြိုက်ကိုရာ ရောက်မှန်းမသိရောက်လားခရေ။

ခုပိုင်အဖြိုက်မျိုးကို ဖဆဗလနန့် တွေးဖက်ခကတ်တေ ရခိုင်အမျိုးသား အဖွေ့အစေးရို့ ကြုံကြိုက်ခကတ်တေ။

AD ၁၈၂၃-ခုမှာ စိုက်တကောင်းမြို့ဝန် ဂါတာသတ်နန့် ဓါးပိုင်ကြီးကျော်ပုံရို့ ဗမာနေချေ့ကို ရခိုင်ပြေက တိုက်ဖို့အတွက် သဘောတူညီချက်တခုကို ချုပ်ဆိုနိုင်ခရေ။

ယင်းသဘောတူညီချက်အရ

(၁) ဗမာရို့ကို ရခိုင်ပြေကတိုက်ထုတ်ရန်။

(၂) လက်နက်နန့် စိုက်သားတိ အကူအညီပီးရန်။

(၃)စိုက်ကာလအတွင်း စိုက်စရိတ်ကို ဗြိတိသျှ ကုမ္ပဏီအစိုးရက တာဝန်ယူရန်။

(၄)ရန်သူထွက်လားပြီး ရခိုင်တပြေလုံးကို သိမိးပိုက်ပြီးကေ ရခိုင်ပြေကို ရခိုင်မင်းသားများ လက်ကိုပြန်လီပီးအပ်ရန်။

(၅) ဗြိတိသျှကုမ္ပဏီ အစိုးရကိုရခိုင်ရို့က စိုက်စရိတ် ၂ ဆတိတိပီးအပ်ရန်။

(၆) ဗြိတိသျှ ကုမ္ပဏီ အစိုးရရေ ရခိုင်ပြေက လုံးဝဥ သုန်ထွက်ခွာလားရန်။

(၇) ဗြိတိသျှ အစိုးရရေ ရခိုင်ပြေ သူများပါးမှာ ကတိသိုက်စာတေရန် ပြေသူရို့ကို မရက်စက်မစော်ကားရန်။

(၈) စိုက်ချီ၊ စိုက်တိုက်ရာရို့မာ ရခိုင်ရို့က ဦးဆောင်လို့လမ်းညွန်ပြရန်။

အမှန်မုချ၊ သက်စွန့်ကြလော့၊

ဓမ္မတာလမ်းမှန်၊ ဆိုးကြောင်းကြံလျှက်၊

တံဆိုးကိုစား၊ လိမ်လေ့ထားသော်။

နောက်သားတဖန်၊ သေးမခံနှင့်။

နိုင်ငံတကာ၊ ဟူရာရာ၌၊

ပညာနှင့်ဥာဏ်၊ သင့်စွာဖန်၍၊

အပြီးကြံ့ခိုင်၊ နိုင်ငံတိုင်းမြို့၊

စို့စို့နန့်၊ ကိုယ်မြို့ကိုယ်ပြေ၊

ကိုယ်ဌာနေကို၊ ရလီဖူးတ၊

အေလောကသည်။

အောက်ကျ မခံချင်သောကြောင်း။

ဒေးဝန်ကြီးက တိုင်းပြေ၏ လွတ်လပ်ရီးလမ်းကြောင်းအတွက် အသက်စွန့်ဖို့ကို မတွေဝေကတ်ကေ့။ နေချေ့ရို့၏ ကောက်ကျိုက်စိုင်းလေးရေ မတရားဖိနှိပ်မှုကို တော်လှန်တိုက်ခိုက်ကတ်၊ လွတ်လပ်ရီးကို သွီးနန့် ရင်းလို့ယူကတ်။

တိုင်းပြေတာဝန်ကို သိကတ်၊ သိုက်စာဟိကတ်လို့ မှာကြားထားခရေ။ 

သူ့ကျွန်မခံစိတ်ကို ရေးရေးတောက်တောက် ပြသဖွေ့ဆိုထားခရေ။

“မြို့သူကြီးသီတမ်းစာရတု”

ဥဒါန်းမကျီ၊ ဖြိုက်ရလီခြင်း၊

တိုင်းပြေကိုကြံ၊ အောင်ကျော်ဇံမှာ၊

ကြံကမွှီနှောက်၊ တကျိပ်ခြောက်ရို့၊

ယွင်းဖောက်သိုက်စာ၊ သူရို့မှာကား၊

ဝမ်းစာစားခွက်၊ တထပ်တွက်ကို၊

တသက်စာထင်၊ ခွီးအမြင်ကြောင့်၊

တိုင်းခွင်သာစေ၊ ငါရို့ပြေလေ့

သူပြေဖြိုက်ရေ၊ ဝမ်းနေးစွာတေး။

မိဖဆရာ၊ ပေါရဏာရို့၊

ဝေါဟာထုံးဟောင်း၊ လူဗူးဒေါင်းကို၊

မပေါင်းဖော်ရာ၊ ဆိုတုံပါလေး၊

ယွင်းကာသတိ၊ ပေါင်းဖော်မိ၍၊

လက်ဟိဒုက္ခ၊ ငါကြံရ၏။

ဘဝတစိုက်၊ လူပြန်ဖြိုက်က၊

အသိုက်ခုပင်၊ ကြံစီချင်သည်။

အေတွင် မမီနိုင်သောကြောင့်။

မြို့သူကြီးက အချောင်သမား သိုက်စာဖောက်ရို့ကြောင့် သူကျွန်ဖြိုက်ရကေလေ့ ဘဝအသိုက်၊ လူပြန်ဖြိုက်ကေ၊ ဆက်လို့အမျိုးသားအတွက် တော်လှန်ဖို့အကြောင်းကို ဖွေ့ဆိုမှာကြားထားခရေ။ ယင်းတော်လှန်ရီး နောက်ပိုင်မှာ လေးမြို့ချောင်းက ဗိုလ်ချိုက်စံကလေ့ လေးမြို့ချောင်း တောင်သူလယ်သမားရို့ကိုစေးရုံးပြီးကေ လူကျင့်မကျင့်ရေနေချေ့ကို တော်လှန်မောင်းထုတ်ဖို့အတွက် တိုက်ပွေးသိုက်၊ လမ်းစိုင်သိုက်တရပ်ကို ချမှတ်တေ။

ယင်းနေတခွင်ကို စေးရုံးပြီးကေ အခိုင်အမာတပ်စွေးထားလီရေ။ 

လက်နက်အင်အားချင်းမမျှလို့ ရခိုင်မျိုးချိုက်၊ ပြေချိုက်အမြောက်အများ ကျဆုံးလားခရေ။

ဗိုလ်ချိုက်စံကလေ့ ရခိုင်ပြေကဆုတ်ခွာပြီးကေ ဗမာပြေသို့ခိုဝင်လီရေ။

ယင်းအခါ ဗမာဘုရင်မှာ မောင်လွင်ဖြိုက်တေ။

ဗြိတိသျှကုမ္ပဏီအစိုးရက မောင်လွင်ဘုရင်ပါးတို့ သံစာရွီးပြီးကေ ရခိုင်တော်လှန်ရီးခေါင်းဆောင် ဗိုလ်ချိုက်စံကို တောင်းခံလီရေ။

ဘုရင်မောင်လွင်မှာ ဗြိတိသျှကို ကြောက်ပုံရရေ။

မဟုတ်ကေ အိမ်နီးချင်းနိုင်ငံသားချင်းချင်း အာဃတတရား ကြီးမာပု့ပေါက်တေ။

အာရှတိုက်တတိုက်လုံးကို ကျွန်ပြုလုပ်ဖို့လာရေ ဗြိတိသျှရို့ ရန်ကြီးမားပုံကို မမြင်နိုင်ဘေး ရခိုင်တော်လှန်ရီးခေါင်းဆောင်၏ လွတ်လပ်ရီးကြိုးပန်းမူကို မနာလိုဝန်တိုစိတ် ထားပုံပေါက်တေ။ ယင်းကြောင့် ရခိုင်တော်လှန်ရီးခေါင်းဆောင် မဟာမိတ်အဖြိုက် ကြေ့ရဖို့အစား ပြောင်းပြန်ကြေ့ပြီးကေ ပေါက်ဆိန်ရိုးလုပ်ခရေ၊ ဗိုလ်ချိုက်ဇံကို ဖမ်းပြီးကေ ဗြိတိသျှကုမ္ပဏီအစိုးရကို ဆက်သလိုက်တေ၊ ဘုရင်းမောင်လွင်၏ အမြင်တိုမူ၊ အမြင်ကျိုဉ်းမူရေ ဗမာသမိုင်းကို ပိုလို့ ညိက်ပတ်စီရေ။

ဗိုလ်ချိုက်စံကိုဗြိတိသျှရို့က စိုက်တွေ အကျိုင်းထောင်မှာ ချုပ်ထားလိုက်တေခါထောင်တွင်းမှာပင် အကျိုင်းသားရို့ကိုစေးရုံးပြီးကေ ထောင်တွင်းတော်လှန်ရီး လုပ်ပြန်လီရေ။ ယင်းကြောင်းအမျိုးသားလွတ်လပ်ရီးအတွက် ကျူးကျော်သူနေချေ့ကို မောင်းထုတ်တိုက်ထုတ်ဖို့ကြိုးစားလို့ ဗိုလ်ချိုက်စံကို ကျူးကျော်ရေနေချေ့ရို့က တရားစီရင်ပြန်ရေ။

ကြိုးမိန့်ချမှတ်ကာ သတ်ဖြတ်ပြန်ရေ၊ AD. ၁၈၂၉ ဖေဖော်ဝါရီလမှာ သံတွေးနေက အလေကျော်သူကြီး ဗိုလ်အောင်သားဦးရေ တောင်သူလယ်သမားရို့ကို စေးရုံးပြီးကေ ရခိုင်ပြေသူရို့ကို သွီးစုတ်ချေ့လှေရီရေ ဗြိတိသျှနေချေ့ကို တိုက်ခိုက်တေ။

ကိုယ့်တပ်အင်အားနန့် သံတွေးမြို့ကို ချီတက်တိုက်ခိုက်တေအခါနေချေ့အရာဟိဖြိုက်တေ ကပ္ပတိန်ဂေါ်ဒင် (Captain Gordon) ကျဆုံးလီရေ။

ယေကေလေ့ သံတွေးမြို့ကိုကား မသိမ်းပိုင်နိုင်ခ။

ယေပြီး မအီ၊ ပုလိပ်စခန်းကို ဝင်စီးပြီးကေ ပုလိပ်အားလုံးကို ကွပ်ပျက်လိုက်တေ။

ဗြိတိသျှတပ်ရို့က ထပ်ဆင့် ဖိတိုက်လာရေခါ အင်အားမမျှလို့ ဗမာပြေထေးသို့ ဆုတ်လီရရေ။ 

ယင်းမှာပင် ဗိုလ်အောင်သာဦးကွေလွတ်လီရေ။

AD. ၁၈၃၁-မှာ ကြိမ်သလိဆရာတော်ရေ ဗြိတိသျှနေချေ့ရို့ကို မောင်းထုတ်ဖို့အတွက် အမျိုးသားတော်လှန်ရီးတရပ်ကို လုပ်ဆောင်ခရေ။

တောင်ပိုင်းနေတခွင်မှာ ဆရာတော်၏ လုပ်ဆောင်ချက်တိရေ ကောင်းကောင်းထိရောက်ခရေ။ နောက်ဆုံးမှာ နှိမ်နင်းစွာကို ခံလိုက်ရရေ။

AD.၁၈၇၀-၇၁မှာ မြောက်ဦးမြို့နေက ဗိုလ်မောင်ဦးဖြူရေ ရခိုင်မင်းဆက် သိုက်တရပ်ကို ထူထောင်ဖို့လို့ တောင်သူလယ်သမားရို့ကို စေးရုံးပြီးကေ အမျိုးသားတော်လှန်ရီးတရပ်ကို လုပဆောင်လီရေ။ ကျူးကျော်သူနေချေ့ရို့ကား လက်နက်အင်အားနန့် ဗိုလ်မောင်ဦးဖြူကို တိုက်ခိုက်ဖမ်းဆီးပြီးကေ သတ်ဖြတ်လိုက်တေ။ 

AD.၁၈၉၀- သံတွေး ကြီသလီက ကျော်စိမ်းဗိုလ် ထကြွတော်လှန်ရေ။ 

ယင်းနှိုက်မှာပင် သံတွေးဆရာတော်ဦးဆောင်ပြီးကေ သင်္ဃာတော်အများက ဗုဒ္ဓသာသနာတော်ကို မိစ္ဆာဗြိတိသျှနေချေ့ လက်အောက်ကကေတင်ဖို့တော်လှန်ကတ်တေ။

သံတွေးမြိုက်တရိုးက လူသူရို့ကိုစေးရုံးပြီးကေ မြို့ကိုဝင်စီးရေ။

ယင်းတိုက်ပွေးမှာ ဆရာတော်နန့်တကွ ရဟန်းတော်ရို ကျဆုံးပျံလွန်လားရရေ။ 

ကျန်ရဟန်းတော်ရို့မှာလေ့ တော်လှန်ထကြွမှု အများအပြား ပေါ်ပေါက်ခရေ။

ဗိုလ်ကြာထွန်း၊ ဗိုလ်ရွှေလှ၊ ဗိုလ်ဘရို့ရေ၊ ဗြိတိသျှနေချေ့ကို တော်လှန်တိုက်ခိုက်ကတ်တေ။

သံတွေးနေက ဗိုလ်ကျော်ဝကလေ့ တောင်ပိုင်းကပင် မြောက်ပိုင်းအထိ ဒေါက်ချောက်တော်လှန်တိုက်ခိုက်လီရေ။

မြောက်ဦးမြို့နေ၊ ကျောက်တော်မြို့နေရို့မှာလေး အကြီးအကျေတော်လှန်တိုက်ခိုက်နီရေ။

နောက်ဆုံးမှာ ကျူးကျော်သူရိုက ဖမ်းဆီးသတ်ဖြတ်လိုက်တေ။

AD.၁၈၉၁-ခု၊ စက်တင်ဘာလမှာ ရသေ့တောင်မြို့နေ၊ ကူတောင်ရွာ၏ ၃ဆက်မြောက် ကျွန်းအုပ်ဖြိုက်တေ ဗိုလ်ချင်းဖို့နန့် သားမောင်ဖော်အောင်ရို့ရေ မယူကမ်းတခွင် တောင်သူလယ် သမားရို့ကို စေးရုံးပြီးကေ၊ မင်္ဂလာကြီးတောင်နန့် ဆိပ်ကြီးချိုင်မှာ တပ်စခန်းဆောက်လုပ်ထားကတ်တေ၊ ဗြိတိသျှနေချေ့ရို့ကို မောင်းထုတ်ပြီးကေ မင်းဆက်သိုက်ထူထောင်ဖို့ ကြိုးစားခကတ်တေ။

၁၈၉၂-ခု၊ ဖေဖော်ဝါရီလမှာ သားအဖနှစ်ယောက်စလုံးကို ဖမ်းဆီးမိလို့ စိုက်တွေအကျိုင်းထောင်မှာ တိုက်

ပိုက်ထားလိုက်သည်။

ယေအခါ အကျိုင်းသားတရာလောက် ထောင်တွင်း ထကြွတော်လှန်ပြီးကေ ဗိုလ်ချင်းဖိုသားအဖကို တိုက်ကလွှတ်လိုက်ကတ်တေ။

ယပြီးကေ ထောင်ကို ဖောက်ထွင်းဖို့ တိုက်ခိုက်ကတ်တေ။

နောက်ဆုံးမှာ နယ်ချဲ့ရို၏ တန်ပြန်တိုက်ခိုက်မှုကြောင့် အများကျဆုံးပြီးကေ ငြိမ်ကျလားခရရေ၊ ဗိုလ်ချင်းဖိုရို့ သားအဖကို နယ်ချဲရို့က ရခိုင်ပြေကို မတရားလိမ်လေ သိမ်းပိုက်ပြီးကေ ၁၈၂၆-ခု၊ ကပင်စလိစွာ ၁၉၁၆-ခုထိဖြိုက်တေ။ 

တစေးတရုံးတေး၊ တပြေလုံး၊ တမျိုးသားလုံးတော်လှန်ရီးမျိုး၊ မပေါ်ပေါက်နိုင်ခကေလေ့ တပါးကျွန်စနစ်ကိုကား တခါလေးခေါင်းငုံ့အခံကတ်။

အမျိုးသားတော်လှန်ရီးလမ်းကြောင်းကိုလေ့ တခါလေ့မလွေးခကတ်။

ကိုယ့်ပြေကိုကိုယ်ပြန်ရရီးအတွက် အမြဲတမ်းကြိုးပမ်းခကတ်တေ။

ကိုယ်ပိုင်ပြဌာန်းခွင့် (Self Indentily) ကိုအသက်ပီးလို့အသက်အဆန်းတိ သိမြင်လာကတ်လို့ ရခိုင်အမျိုးသား တော်လှန်ရီးရေ ကာလတခုကို ဖြတ်သန်းနီခရေ။

ဗြိတိသျှနေချဲ့ အရင်းသျှင်တို့ကို အမျိုးသားတော်လှန်ရီးနှင့် တိုက်ခိုက်မောင်းထုတ်တေ။

ရခိုင်အမျိုးသားခေါင်းဆောင်ကြီးရို့ရေ ဇာကြောင့်တယှုံးတေး ယှုံးနီရလေးဆိုစွာကို အေနီရာမှာ တဆိတ်ကေလောက် ဆန်းစိုက်ပြီးကေ ကောက်ချက်ထုတ်ကြည့်လိုက်တေအခါမှာ အောက်ပါအတိုင်းတွိရရေ။

၁။ ယင်းအခါက ဗြိတ်သျှနယ်ချဲ့တို့ ကျင့်သုံးနီရေစနစ်မှာ အရင်းရှင်စနန်ဖြိုက်တေ။ တော်လှန်ရီးခေါင်းဆောင်အများ ကိုင်ဆွဲထားရေစနစ်မာ ပဒေသရိုက်စနစ်ဖြိုက်တေ။ ယင်းကြောင့်စနစ်ချင်းအရ တော်လှန်ရီးဘက်က တဆင့်နိနိခရေ။

၂။ ဗြိတ် သျှနေချဲ့ရို့ ကိုင်စွဲထားရေစွာက ခေတ်မီလက်နက်ဖြိုက်တေ။

နော်လှန်ရီးသမားရို့ ကိုင်စွဲထားရေစွာက သာမာန် ရှိးလက်နက်ဖြိုက်တေ။

၃။ ဗြိတိသျှနေချေ့ရို့ စိုက်စေးကမ်း၊ စိုက်ပညာ၊ စိုက်သုံးဆီးဝါးနန့် ခိုက်မိဥပဒေအရ စေးရုံးထားရေ တပ်ဖွေ့ရို့ဟိရေ။

ယင်းတပ်ဖွေ့အားလုံးမာ လေ့ကျင့်ပြီးသားဖြိုက်တေ။

တော်လှန်ရီးသမားရို့မှာ ယင်းပိုင် အင်္ဂါရပ်နန့် ပြေစုံရေတပ်ဖွေ့မဟိခ။

၎။ ယင်းအပြင် ရခိုင်အမျိုးသား တော်လှန်ရီးသမားများမှာ စေးရုံးရီး၊ စေးကမ်းထိမ်းသိမ်းရီး၊ စရေတော်လှန်ရီး၏ အဓိကအင်္ဂါရပ်များ ချို့တေ့နိခရရေ။

ထပ်လို့ ရခိုင့်အမျိုးသား တော်လှန်ရီးသမိုင်း ကြောင်းတခုလုံး (၁၈ ရာစု တော်လှန်ရီးနန့် ၁၉ ရာစုတော် လှန်ရီး (၁၇၈၄-၁၉၁၆)ကို ပြန်လေသုံးသပ်ကြေပါကေ

(က) ဗမာပဒေရာဇ်နေချဲ့ကို တော်လှန်ရာမာ ဖြိုက်ဖြိုက် (၁၇၀၄-၁၈၂၄)

(ခ) ဗြိတိသျှအရင်းသျှင်နေချဲကို တော်လှန်စွာမာ ဖြိုက်ဖြိုက် (၁၈၂၄-၁၉၁၆) အယှု့းပေါင်းမြောက်များစွာကို ရင်ဆိုင်ခစွာကိုတွိ့ရရေ။ 

ဇာကြောင့်ယင်းပိုင်ဆုံးယှုံးစွာ ထပ်နီရရေလေးဆိုစွာကို သုတေသနလုပ်ကြေရဖို့ပင်ဖြိုက်တေ။

ရသလောက် အချက်အလက်တိကို ဆန်းစိုက်ကြေရဖို့ပင်ဖြိုက်တေ။

ယင်း ၁၈ ရာစု၊ ၁၉ -ရာစုတော်လှန်ရီးမာ

(၁)တော်လှန်ရီး၏ အဓိကဝင်ရိုးဖြိုက်တေ စေးရုံးအင်အားနေပါးခြင်း။

(၂) တော်လှန်ရီးသဘောတရပ် ခိုင်ခိုင်၊နှောင်းနှောင်မဟိခြင်း။

(၃) ရန်သူအခြေအနေ၊ ကိုယ်အခြေအနေ၊ ပြေသူအခြေနေအရပ်ရပ်ကို စိစိစပ်စပ် မဆန်းစိုက်ကေ တော်လှန်ရီးကာလ ရင်ကျက်အောင်ထိ မစောင့်ဆိုက်းဘေး တော်လှန်တိုက်ခိုက်ခြင်း။

(၄) စိုက်ရီး၊ စိုက်ရာ၊ တိုက်နေး၊ တိုက်နာ၊ လုပ်နေး၊ လုပ်နာ နေးခင်း၊

(၅) မဟာမိတ်အင်အားစု၊ အရံအင်အားစုရို့ကို စနစ်တကျမကိုင်တွယ်ခြင်း

(၆) နေချဲ့ နှစ်တိုင်အကြားမှာ ရုန်းကန်မရခြင်း၊ စရေ အချက်အလက်တိကြောင့် အယှုံးပေါင်းများစွာနန့် ရင်ဆိုင်ခကတ်ရရေ၊ ယကေးလေး ယင်းခေတ်က တော်လှန်ရီးမှာ ကောင်းမွန်ပြတ်သားရေ အချက်တိ အများကြီးဟိစွာကိုလေးတွိ့ရရေ။