ဇာလုပ်ကတ်ဖို့လေး။ အခန်း(၄) ရခိုင့်အမျိုးသား တော်လှန်ရီးလမ်းကြောင်း ရောထွီးလားခြင်း (က) ပထမ ဝံသာနုခေတ်ဇာပိုင်လေး။

ဗြိတိသျှဗားမားကို သီးခြားမဖွေ့စေးခင်ကပင် အိန္ဒိယကုမ္ပဏီအစိုးရရေ ရခိုင်ပြေကို ကိုလိုနိနိုင်ငံတစတစ သွတ်သွင်းယူလာရေ။

ရခိုင်ပြေ အဖွေ့အစေး၏ပုံစံမှာ မြိသျှင်ပဒေသရာဇ်စနစ်ဖြိုက်နီရေ။ အရင်းသျှင်စီးပွားရီးစားကျက် ဖွေ့စေးရေအခါမှာ လယ်ယာလုပ်ငန်းကို အခြီအမြိုက်ထားလို့  ဖွေ့စေးလီရေ။

လယ်ယာလုပ်ငန်းမှာလေး လက်မှုလယ်ယာ လုပ်ငန်းဖြိုက်တေ။ 

တံငါလုပ်ငန်းနန့် အခြားလယ်ယာလုပ်ငန်းမှာလေး စနစ်ဟောင်းက အတိုင်းရာဖြိုက်တေ။

ကုမ္ပဏီအစိုးရရေ စီးပွားရီးစားကျက်ဖြိုက်တေ ရခိုင်ပြေကို အရင်းသျှင်စနစ်၏ အလုပ်အကျွေးဖြိုက်လာအောင် ပုံသွင်းယူလာရေ။

လမ်းပန်းဆက်သွယ်ရီးကို မြင့်တင်ပီးလာရေ။

ပညာရီး၊အုပ်ချုပ်ရီး၊ တရားဥပဒေစီရင်ရီးရို့ကို ပြုပြင်ပီးရေ။

ဂုပိုင်လုပ်စွာရေ ကိုလိုနိအုပ်ချုပ်ရီးကို အထောက်အကူဖြိုက်လာအောင် လုပ်ပီးခြင်းရာဖြိုက်တေ။

ရေထွက်ပစ္စေရို့ကို အလွယ်တကူ သယ်သူနိုင်အောင်အတွက်ဖြိုက်စီ၊ သူရို့အုပ်ချုပ်ရီးထိရောက်ဖို့ အတွက်ဖြိုက်စီ၊ လမ်းပန်းဆက်သွယ်ရီးမှာ သင်္ဘော၊ မော်တော်ကား၊ သံကြိုးစရေစွာတိကို အသုံးပြုလာရေ၊ အုပ်ချုပ်ရီး၊ တရားစီရင်းရီးရို့မှာလေး လခအနေးနန့် တိုင်းရင်းသားရို့ကို အသုံးချနိုင်အောင် ဘုန်းကြီးကျောင်းပညာရီးအစား ကိုလိုနိပညာရီးကို လုပ်ဆောင်ပီးရေ၊ စက်မူလုပ်ငန်းဆိုလို့ ဆန်စက်မှတပါး၊ အခြားစက်ကား ရှားရှားပါးပါးပင်ဖြိုက်တေ။

ဆန်စက်ကိုတေရစွာကလေ့ သူရို့စီးပွားရီးအတွက်ပင်ဖြိုက်တေ၊ ရခိုင်တိုင်းရင်းသားရို့က အရင်းသျှင်၊ ဓနသျှင်ဆိုလို့ မိသားစုသုံးလေးစုလောက်ရာဟိရေ။

ယင်းဓနသျှင်တိရေ ရခိုင်ပြေ၏ အများဆုံး လယ်ယာတိကိုပိုင်ဆိုင်ခကတ်တေ။ ဘဏ်လုပ်ငန်းကို လုပ်ကိုင်ခကတ်တေ။

တရုတ်၊ ကုလား၊ ဓနသျှင်မိသားစု သုံးလေးစုလောက်ရာဟိရေ။ ပင်လယ်ကြောင်းကူးသန်းရောင်းဝယ်ရီးနှင့် လယ်ယာမြီအချို့ကို သူရို့ကြိုးကိုင်ခကတ်တေ။

ဗြိတိသျှအမျိုးသားရို့က သင်္ဘောကုမ္ပဏီ၊ ရီနံကုမ္ပဏီနှင့် အခြားစက်မှုလုပ်ငန်းကို ကြိုးစားလုပ်ကိုင်ခကတ်ကေလေး သင်္ဘောကုမ္ပဏီတခုတေးရာ အောင်မြင်ခရေ။ ရခိုင်တိုင်းရင်းသား ဓနသျှင်ထေးမှာ ငါးလုပ်ငန်းနန့် တခြားလုပ်ငန်းတိကို လုပ်ဖို့ကြိုးစားခကတ်ကေလေး မအောင်မြင်ခ၊ အချုပ်အား ဖြင့်ဆိုကေ ရခိုင်လူမှုအဖွေ့အစေးမှာဆိုကေ ဗမာနေချဲ့ မြီသျှင်ပဒေသရိုက်လက်အောက်က ဗြိတိသျှအရင်းသျှင်၏ ကိုလိုနီလက်အောက်ခံ၊ အဖွေ့အစေးလက်အောက်တို့ တဆက်ဆက် ကူးပြောင်းနိယာဖြိုက်တေ။

ဗမာနေချဲ့ ပဒေသရာဇ်လက်အောက်မာ ဆောက်တေရာမရ တရားမဲ့ဓားမဲ့ ခံစားနိခရရေဘဝက အရင်းသျှင် နေချဲ့ရို့၏ တရားဥပဒေစိုးမိုးရီး၊ ငြိမ်ဝပ်ပိပြားရီး၊ ရပ်ရွာအီးသျှမ်းရီးအောက်သို့ ရောက်လာခကတ်ယာဖြိုက်တေ။

ယင်းပိုင် ကူးပြောင်းလတ်တေအခါ ဗမာနေချဲ့လက်အောက်မှာ ပဒေသရာဇ် စနစ်ဆိုးကြောင့် ပျက်စီးဆုံးရှုံးခစွာတိရေ အရင်းသျှင်ကိုလိုနီ အုပ်ချုပ်ရီးယန္တရားအောက်မာ ကိုလိုနိပညာရီး၊ လမ်းပန်းဆက်သွယ်ရီး၊ လူမှုရီး ရို့ရေ ပဒေသရာဇ်လက်အောက်မှာထက် တိုးတက်မှုဟိခရာကား ရခိုင့်လူ့အဖွေ့အစေးရေ ကာလတခုကိုဖြတ်သန်းနိခယာဖြိုက်တေ။

ဗြိတိသျှကုမ္ပဏီအစိုးရ ရခိုင်ပြေကို သိမ်းယူရေ ၁၈၂၆ -ခုက အစပြုလို့ အရင်းသျှင်ကိုလိုနိယန္တရားအောက်မှာ ကာလတခုကို ဖြတ်သန်းနိခယာဖြိုက်တေ။ ရခိုင်ပြေကို ယင်း ၁၈၂၆-ခုနှစ်က လက်တလုံးခြား လိမ်လို့ သိမ်းပြီးကေ ယင်းဒေသကို ဘင်္ဂလားအုပ်ချုပ်ရီးအောက်မှာ အိန္ဒိယအုပ်ချုပ်ရီးပုံစံအတိုင်း အုပ်ချုပ်တေ။

ယင်းအခါက ရခိုင်ပြေမှာ ရခိုင်အမျိုးသားတသိန်းရာဟိရေ။

ဗြိတိသျှ အစိုးရရေ ရခိုင်ပြေကို အမျိုးမျိုးလိမ်လေဖိနှိမ်အုပ်ချုပ်လို့ အမျိုးသားတော်လှန်ရီးပေါင်း အမြောက်အများ ပေါ်ပေါက်ခရေ။

၁၈၅၂-ခုမှာ အင်္ဂလိပ်၊ မြန်မာ ဆက်ဆံရီးတင်းမာလာပြီးကေ ဒုတိယအကြိမ် စိုက်ဖြိုက်ကတ်တေ။

အောက်ဗမာပြေ ပဲခူး၊ မုတ္တမရို့ကို စာချုပ်ဖိအားနန့် သိမ်းယူလိုက်တေ။

၁၈၆၂-ခုမှာ ရခိုင်ပြေ (ပလက်ဝါးခရိုင်) စိုက်တွေခရိုင်၊ ကျောက်ဖြူခရိင်၊ သံတွေးခရိုင်၊ တောင်ခွင်ခရိုင်) ပဲခူး၊ မုတ္တမ၊ တနင်္သာရီရို့ ပေါင်းစပ်ပြီးကေ ဗြိတိသျှဗားမားလို့ စတင်ဖွေ့စေးလိုက်တေ၊ မဟာဝန်သျှင်တော်မင်းကြီးတစ်ဦးက ပဲခူးနန့်ရန်ကုန်ကို ဗဟိုထားပြီးကေအုပ်ချုပ်တေ။ 

တခါခရိုင့်၊ မြို့နေ၊ တိုကနေရို့ခွဲပြီးကေ ခရိုင်ဝန်၊ မြို့အုပ်၊ တိုက်သူကြီးရို့က အဆင့်ဆင့်အုပ်ချုပ်တေ၊ တိုက်သူကြီးလက်အောက်မှာ ရွာခေါင်းဆောင်ရို့နန့် ကြေးထမ်းကြီးရို့ဟိရေ။ 

ဂုပိုင်အုပ်ချုပ်ရီးကို ရီမြီဒေသအလိုက် ချမှတ်ကေလေ့ စီးပွားရီးအောက်ကျမှု၊ လမ်းပန်းဆက်သွယ်ရီး ညံ့ဖျင်းမှု ဘာသာစကားခေတ်ခေးမှုရိုက ထိရောက်မှုမဟိခ။

အခွန်တော်ရို့ကိုဖိကောက်လို့ ပြေသူရို့မှာ မွေးပြာကျရရေ။

လယ်သမားတော်လှန်မှု အများ အပြားပေါ်ပေါက်ခရရေ။ 

ရခိုင်မင်းဆက်သစ်ထူထောင်ဖို့ အကြိမ်ကြိမ်ကြိုးစားခကတ်တေ။

စိုက်တွေမျာခြီချလို့ နိုင်ငံခြားသားကုမ္ပဏီရို့၊ တိုင်းရင်းသားကုမ္ပဏီရို့၊ ထရီးဒိန်းရို့၊ ကော်ပိုရီးရှန်းရို့၊ ချစ်တီးကုလားသူဌေးရို့၊ ဆန်စပါးနန့် အခြားလုပ်ငန်းရို့ကို လုပ်ကိုင်ခကတ်တေ။

ယင်းနိုင်ငံခြားဓနသျှင်ရို့၊ လက်ဝီခံတိုင်းရင်းသားဓန သျှင်ရို့၊ ရခိုင်လယ်သမားရို့၏လယ်ယာ ကိုးဆယ်ရာခိုင်နှုန်း ရောက်ဟိလားခရေ၊ စိုက်တွေမြို့မှာလေး နိုင်ငံခြားသားဦးရေ ငါးဆယ်ရာခိုင်နှုန်းလောက် ဟိလားခရေ၊ ဦးရွှေသာကုမ္ပဏီးရို့ပိုင်၊ ကုမ္ပဏီတိုလုပ်အားခ အနေးနန့် လုပ်အားအများပီးနိုင်ရေ၊ စပါးရိုက်သားကုမ္ပဏီတိကို ပြေသူအကျိုးစီးပွား တခုထေးကိုရာကြည့်ပြီးကေ ဗြောက်သောက်သွင်းယူခလို့ ရခိုင်ပြေမှာ “ရွင့်ကျာ” ခေါ်စပါးရိတ်သားကုလားဦးရေ တနှစ်ထက်တနှစ် မကန်မကန် တိုးပွားခရရေ။

၁၈၈၅ - ခုမှာ သိပေါမင်းကိုဖမ်းပြီးကေ အထက်ဗမာပြေကို ဗြိတိသျှကုမ္ပဏီအစိုးရက သိမ်းပိုက်လိုက်တေ။

ဗြိတိသျှဗာမားလေးမှာ အထက်ဗမာပြေကို သွင်းပိုက်လိုက်တေ။ မဟာဝန်းသျှင်တော်မင်းကြီးက အုပ်ချုပ်တေ။

၁၈၉၇-ခုမှာ ဘုရင်ခံကအုပ်ချုပ်တေ။

လက်ဟိရခိုင်ပြေကို ဗမာပြေမာ ပေါင်းထေ့ပြီးကေ ဝန်သျှင်တော်မင်းကြီးက အုပ်ချုပ်တေ။

စိုက်တွေမှာ ရုံးစိုက်တေ၊ တခါပလက်ဝါးခရိုင်၊ စိုက်တွေခရိုင်၊ ကျော်ဖြူခရိုင်၊ သံတွေးခရိုင်ရို့ကို ခရိုင်ဝန်ကြီးတဦးကအုပ်ချုပ်တေ။

တော်ခွင်ခရိုင်ကိုကား ပုသိမ်ခရိုင်နန့် ပေါင်းစပ်လိုက်ယာဖြိုက်တေ။ ယင်းဥပဒေအသစ်အရ ခရိုင်ဝန်အောက်မှာ နေပိုင်၊ မြို့ပိုင်၊ ရွာသူကြီးရို့က အဆင့်ဆင့်အုပ်ချုပ်ရရေ။

တခါ ခရိုင်ဝန်အောက်မာ ခရိုင်ရီးဝန်၊ သစ်တောဝန်ထောက်၊ စိုက်ပျိုးဝန်ထောက်၊ လမ်းပန်းဝတ်ထောက်၊ ပညာဝန်ထောက်၊ ငွေတိုက်ဝန်ထောက်၊ လယ်ဝန်၊ ထောင်ပိုင်ကြီး၊ စက်သဆင်တရားသူကြီး အသီးသီး ဌာနဆိုင်ရာ စီမံအုပ်ချုပ်ကတ်ရကေလေ့ ရန်ကုန်မာ ရုံးစိုက်ကေတော့ ဘုရင်ခံလက်အောက်မှာ ဟိကတ်ရရေ။

ယင်းရို့အပြင် ရန်ကုန် ဗဟိုအုပ်ချုပ်ရီးဌာနမှာ သစ်တောမင်းကြီး၊ ဘဏ္ဍာရီးမင်းကြီး၊ အကောက်ခွန်ဌာနမင်းကြီး၊ တိရစ္ဆာန်ဆီးကုန်ဌာနညွန်ကြားရီးဝန်ကြီး၊ ကျန်းမာရီးဌာန ညွန်ကြားရီးဝန် ယိုက်မျိုးမင်းကြီး၊ အိန်ဂျိန်နီယာချုပ်၊ ဆိပ်ကမ်းမင်းကြီး စသူရို့ပါဝင်ရေ။ ဒေဌာနအသီးသီးက သက်ဆိုင်သမျှ အမှုထမ်းရို့ရေ ရခိုင်ပြေသို့ လာရောက်စီ မံအုပ်ချုပ်ကတ်တေ။

အဂုပိုင်အုပ်ချုပ်ထားလိုက်စွာလေ့ ၁၉၂၇-ခု တိုင်အောင်ဖြိုက်တေ။ ကိုလိုနီအုပ်ချုပ်ရေးယန္တရားမှာပါဝင်နီရေ။ 

ဆိုင်ရာဆိုင်ရာဌာနတိမှာ ကိုလိုနီပညာတတ် ရခိုင်အမျိုးသား လူငေရွယ်ရှိအတွက် လျှောရေကျစရာဖြိုက်နီလီရေ။ 

ယင်းကြောင့် ရခိုင်ပညာတတ့် လူငေရို့အထေးမှာ ရာထူးရှုးဝါဒစွေးနီရရေ။ အဂုဏထက်ထိဖြိုက်တေ။

ရာထူးလှိုင်းသား ကြီးကြီးမားမားတက်လိုပါကေ မိမ။

ယောခမနန့် လူပွေးစားရိုး၏ လူရောင်းလူဝေ မှောင် ခိုဈီးကောင်းကောင်းနန့် ရနိုင်ရေ အဂုထိဖြိုက်တေ။

လင်ရောင်းလင်ဝေးစနိုက်ရေ အမှန်က ရခိုင်အမျိုးသားယှိင်ကျေးမှုမှာမဟိခ။ အရင်းသျှင်စီးပွားရီး၏ ပကာသနလောက်ကမှာ ပေါ်လာရေ စနန်ဆိုးရာဖြိုက်တေ။

ဆိုခရေ ၁၈၂၆-ခုကပင် ၁၉၁၆ ခုထိ ရခိုင်လူမှုအဖွေ့အစေးရေ ဗြိတိသျှအရင်းသျှင်နေချဲ့ကို နေးမျိုးစုံနန့် တော်လှန်တိုက်ခိုက် ခကတ်တေနီရာမှာ အယှုံးနန့်ချည်းပင်  ရင်ဆိုင်ခကေလေ့ ကိုယ့်အချုပ်အချာအာဏာပိုင်ဆိုင်မှုအတွက် မျိုးဆက်မပြတ် တော်လှန်တိုက်ခိုက်ခကတ်လို့ ရခိုင်အမျိုးသားတော်လှန်ရီးလမ်းကြောင်းရေဆက်လျှောက်နီရတုန်းဖြိုက်တေ။ ယင်းပိုင်ကာလမျိုးမှာ ရခိုင်အမျိုးသား တော်လှန်ရီးအောင်လံကို လွင့်ထူပြီးကေ လျှောက်နီရတုန်းဖြိုက်တေ။

ယင်းပိုင်ကာလမျိုးမှာ ရခိုင်အမျိုးသားတော်လှန်ရီးလမ်းကြောင်းရေ ဆက်လျှောက်နီတုံးဖြိုက်တေ။

၁၉၀၀-ခု နောက်ပိုင်းကို ကျလတ်တေအခါ အထူးသဖြင့် ဆိုခရေ ၁၉၁၆-ခုနောက်ပိုင်းကို ကျလက်တေအခါ ရခိုင်ပြေမှာ ဗြိတိသျှကိုလိုနီကွန်သတ် ၁၀၀ နီးနီး ဟိလတ်ယာဖြိုက်တေ။

ယင်းအချိန်မှာ ဗြိတိသျှအရင်းသျှင်စနစ်မှာ အရှိန်အဝါ တိုးတက်တုန်းဖြိုက်တေ။ အခြားတဘက်မှာ ဗြိတိသျှအရင်းသျှင်နေချဲ့နန့် တကွ အရင်းသျှင် တလောကလုံးကို သပ္ပံနေးကျ ဆိုချေလစ်ဝါဒက ထိုးနှက်တိုက်ခိုက်တုန်းဖြိုက်တေ။ 

ဂျာမဏီနန့် ဂျပန်ရို့ကလေး တစခန်းထလာတုန်းဖြိုက်တေ။

ဒေအချိန်ကာလမှာ ရခိုင်အမျိုးသားတရပ်လုံးရေ ခေတ်သစ်ကမ္ဘာကြီးကို တွိ့ထိလာစပြုတုန်းပင်ဖြိုက်တေ။

အထူသဖြင့် ရခိုင်ပညာတတ် လူတန်းစားရေ ကမ္ဘာနန့် အထိတွိ့ဆုံးဖြိုက်နီရေ။ ရခိုင်ရဟန်းပညာတတ် လူပညာတတ်ရို့ ရခိုင်လူမှုအဖွေ့ အစေးမာ ဦးဆောင်မှုနီရာကို ယူလာတုန်းအခါဖြိုက်တေ။

အထက်ကတင်ပြခရေအတိုင်း ရခိုင်မြီမာ အရင်းသျှင်စနစ် ထွန်းထွန်းပေါက်ပေါက် မဟိခလို့ စက်ရုံ၊ အလုပ်ရုံကြီးတိမဟိခ။

ယင်းနန့ အဂုစက်ရု့အလုပ်သမား အလုပ်ရုံ၊ အုလုပ်သမားတိဆိုလို့ ကောင်းကောင်းမဟိ၊ ဆန်စက်အလုပ်သမားရာ အနေးချေဟိရေ။

မငးမှုထမ်း၊ အစိုးထမ်း၊ အစိုးရလခစားရို့ရာဟိရာ။

ရှေ့နေရှေ့ရပ်လေး သက်အောင်ချေဟိရေ။

မိသားစုလေးစုလောက်ဟိရေ။ 

တိုင်းရင်းသားအရင်းသျှရို့မာ ဘဏ်လုပ်

ငန်းနန့် ငွေချီးစားလယ်က သီးစားခကောက်နန့် အသက်မွီးမြူ လိမ်ယူနိကတ်တေ။ နေချဲ့လက်ဝီခံ ဓနသျှင် (ကွန်ဖရာဒို) အဆင့်မာရာ ဟိနိခရေ။ ရခိုင်ပြေ၏ လူဦးရီအများမာ လယ်သမားဖြိုက်တေ။

လယ်သမားမာ ဆင်းရဲ့ ရေလယ်သမား၊ အလယ်အလတ်လယ်သမား၊ ချမ်းသာရေလယ်သမားလို့ သုံးမျိုးသုံးစားဟိရေ၊ အားလုံးရေ လက်တဆုပ်စာ ရခိုင့်ဓနသျှင် မိသားစုလက်အောက်ခံဘဝက အနေးနန့် အများ မကင်းလွတ်ကတ်။ ကုန်သွယ်လူတန်းစားတော်သင့်ရုံဟိကေလေး တရုတ်၊ ကုလားကုန်သည်ဟိလောက်မများ၊ သူရို့လောက်လေပတ်မှုမဟိ၊ အေပိုင်အနီအထားမှာဟိရေ ငါ့ရို့လူမှုကိုရအောင် အဖွေ့အစေးတခုခုက လှုပ်ရှားပီးရဖို့ပင်ဖြိုက်တေ။

ယင်းပိုင်လှုပ်ရှားမှုလုပ်ဖို့ဆိုကေ ကမ္ဘာသမိုင်းစဉ် အတိုင်းဆိုကေ ပညာတတ်လူတန်းစားက ခေတ်မီစနစ်လှုပ်ရှားမူ ပီးရဖို့ပင်ဖြိုက်တေ။ 

ယေကေ ရခိုင်ပညာတတ်ရို့နန့် ရခိုင်အရင်းသျှင်ရို့ရေ ၁၉၆၀-ခု ပတ်ဝန်းကျင်လောက်မှာအမျိုးသားတော်လှန်ရီးတာဝန်ကို ရယူဖို့ပင်ဖြိုက်တေ။ ယကေလေ့ ယင်းပိုင်မဖြိုက်ခ။

စီးပွားရီးအရ စုစေးဖို့ဆိုကေ စွးပွားရီးမဟိုဌာနတခုခု ရခိုင်မြီမှာ ပေါ်ပေါက်ဖို့လိုရေ။

စိုက်တွေမြို့ကို စီးပွားရီးဗဟိုဌာန အဖြိုက် ကုမ္ပဏီအစိုးရက ပြုလုပ်ခကေလေ့ ဘင်္ဂလား စီးပွားရီးအောက်ကမလွှတ်ခ။

ကုမ္ပဏီပိုင်စ ခေတ်ဦးပိုင်းမှာ ဘင်္ဂလားစီးပွားရီးလက်အောက်မှာဟိနိခရေ။ 

၁၉၃၇-ခု ဗြိတိသျှဗားမားကို သီးခြားခွဲထုတ်လိုက်တေအခါ ရခိုင်အရှီးဘက်ခြမ်း (စိုက်တွေ၊ကျောက်ဖြူ၊ သံတွေး၊ ပလက်ဝါး)ရေ ရန်ကုန်ကိုမျက်နှာမှုနီရရေ။ ရခိုင်အနောက်ဘက်ခြမ်း (ဘင်္ဂါ ၁၂ မြို့၊ ဗိုလ်မင်းထောင်၊ သက်ထောင်၊ ဖလံထောင်၊ မြုံထောင်) ရေ ဘင်္ဂလားကို မျက်နှမှုလာရရေ။

ဗြိတိသျှဗားမားကို သီးခြားဖွေ့စေးပြီနောက် ရန်ကုန်ကို ပထမမြို့တော်၊ မန္တလေးကို ဒုတိယမြို့တော်အဖြိုက် သတ်မှတ်လိုက်တေ။

ရန်ကုန်ရေ အုပ်ချုပ်ရီး၊ တရားစီရင်ရီး၊ တရားပြုလုပ်ရီး၊ ဗဟိုရုံးစိုက်ရာ ဖြိုက်လာရေ။ စီးပွားရီး ပညာရီး၊ အချက်အချာတေရာ ဖြိုက်လာရေ။

ယင်းအခါမှာ ရခိုင်အရှေ့ဘက်ခြမ်း (ရခိုင်တိုင်း)ရေ အုပ်ချုပ်ရီတရားစီရင်ရီး၊ တရားဥပဒေပြုလုပ်ရီ၊ စီးပွားရီး၊ ပညာရီးအရ ရန်ကုန်၏တဆင့်ခံဖြိုက်လာရေ။

တနေးဗမာ၏ တဆင့်ခံဖြိုက်လာခရရေ။

ယပြီးကေ အင်္ဂလိပ်စာကို ရုံးသုံး၊ ဗမာစာကို ဗြိတိသျှ-ဗားမား ပြေတွင်းသုံးလို့ သတ်မှတ်လိုက်တေ။

ယင်းအပြင် ဗြိတိသျှ-ဗားမား၏ အမျိုးသားအသွင်လက္ခဏာကို ကောက်ယူရာမှာလေ့ ဗမာအမျိုးသားအသွင် လက္ခဏာကို ကောက်ယူထားခရေ။

ယင်းကြောင့် ရခိုင်နန့်တကွ မွန်၊ ကရင်၊ ကယား၊ သျှမ်း ကချင်၊ ချင်း၊ အမျိုးသား အသွင်လက္ခဏာတိမာ တဆက်ဆက် တိမ်ကောလားကတ်လီရရေ။

ယင်းပိုင် ရခိုင်အမျိုးသားအသွင် လက္ခဏာတိတိမ်ကောပြီးကေ သမိုင်းကြောင်းမှုန်ဝါးလားလတ်အခါမာ ရခိုင်အမျိုးသား တော်လှန်ရီး သမိုင်းကြောင်းလေ့ မှုန်ဝါးလားခရရေ။ 

ဂုပိုင်အချိန်လောက်မာ အသျှင်ဥတ္တမ မထေရ်ရေ ဝံသာနုရက္ခိတ အမျိုးသားရီးတရားကို ဗမာပြေတခွင်မှာ တွင်တွင်ကြီး ဟောကြားလာရေ၊ နေချဲဆန့်ကျင်ရီး၊ အမျိုးသားညီညွတ်ရီးတရားကို ရဲရဲတောက်ဟောကြားပါရေ။

အေအသျှင်ရေ ရခိုင်အမျိုးသားရဟန်းတော်တစ်ပါးပင် ဖြိုက်ကေလေ့ အိန္ဒိယပြေ ဗမာပြေရို့မာရာ နိုင်ငံရီးတရား အမျိုးသားနိုးကြားရီးတရားရို့ကို ရဲရဲတောက် ဟောကြားခရေ။

ယင်းဆရာတော်ကား နေချဲ့ဆန့်ကျင်ရီး၊ အာရှဝံ သာနုခေါင်းဆောင် တစ်ပါးပင်ဖြိုက်တေ၊ ရခိုင်အမျိုးသားတော်လှန်ရီးလမ်းကြာင်း (ဝါ) ရခိုင်လွတ်လပ်ရိးလမ်းကြောင်း မှုန်ဝါးလားစွာ ဆရာတော်ဘုရားက နေချဲ့ဆန့်ကျင်ရီး၊ ဝန်သာနုအမျိုးချစ်ဝါဒ ထားဟိရီးရို့ကို အိန္ဒိယပြေ ဗမာပြေအနှံ့အပြားမာ ဟောကြားနီခရေ အချိန်တိမာ တရုတ်နှင့်အိန္ဒိယပြေတိမာ တိုင်းရင်းသား မျိုးချိုက်ပြေချိုက်၊ ပညာတတ်လူတန်းစားများ၊ လှုပ်ရှားနီတုန်းဖြိုက်တေ။

တရုတ်မြီမှာ ဒေါက်တာ ဆွန်ယက်ဆင်၏ ကူမန်တံအဖွေ့ကြီး လှုပ်ရှားနီတုန်းဖြိုက်တေ။ (Dr-Sung Yen Kuomintang) အိန္ဒိယမြီမာ ကွန်ကရက်ပါတိကြီး လှုပ်ရှားနီတုန်း မဟတ္တမဂန္ဒိ လှုပ်ရှားနီတုန်းဖြိုက်တေ။

ဗမာမြီမာ (Y.N.B.A) အသင်းရို့နောက် G.C.B.A အသင်းလှုပ်ရှားနီတုန်းဖြိုက်တေ။ ရခိုင်မြီမာကား ဒေအချိန်မှာ ရခိုင်နိုင်ငံရီးလမ်းကြောင်းကို ရခိုင်မျိုးချိုက်၊ ပြေချိုက်ရို့၊ ရခိုင်အကြောင်းကို စိတ်ဝင်စားရေ ရခိုင်အမျိုးသားရို့ ရခိုင်အကျိုးကိစ္စကို မြင့်တင်လိုရေ ရခိုင် အရာဟိတိရိုရေ ရခိုင်အမျိုးသားရီး လှုပ်ရှားမှုကို ရန်ကုန်သို့ ဦးတေယူလားခကတ်တေ၊ ဗမာမျိုးချိုက်ပြေချိုက် ဝံသာနုခေါင်းဆောင်ရို့နန့် ယင်းခေတ်က ရခိုင်မင်းတိုင်ပင် အမတ်တိ ပူးပေါင်းဆောင်ရွက်စွာကအစ ရခိုင်အမျိုးသားတော် လှန်ရီးလမ်းကြောင်းရေ ရောထွီးလားခရရေ။

ရခိုင်အမျိုးသားတိဖြိုက်တေ ဦးမေအောင်၊ ဆောရ်ပေါ်ထွန်း၊ ဆာရ်ထွန်းအောင်ကျော်၊ ဒေါက်တာရွှေစံအောင်၊ ဦးစိန်လှအောင်၊ ဦးစိန်ထွန်းအောင် စရေ ပုဂ္ဂိုလ်ရို့ရေ ဗြိတိသျှဗားမားကိုလိုနီအဖွေ့မှာ ဝင်ရောက်လှုပ်ရှားရင်း ရခိုင်အမျိုးသား တော်လှန်ရီးလမ်းကြောင်း ရောထွီးလားခရေ။

ထိုပုဂ္ဂိုလ်ရို့ရေ ရခိုင်ပြေအခြီအနီကို ကောင်းမွန်တိုးတက်အောင် လုပ်ဆောင်ခကတ်စွာ ကိုတောခါ အများအသိပင်ဖြိုက်တေ။ 

ရခိုင်တော်လှန်ရီးလမ်းကြောင်းကို ဗမာတော်လှန်ရီးလမ်းကြောင်းနန့် ဘောင်ကွဲပြားအောင် မလုပ်ခစွာကိုလေ့ အများအသိပင်ဖြိုက်တေ။

ယင်းအချိန်၌ မရှိမနှောင်းအချိန်လောက်က ရခိုင်ပြေမာ ရခိုင်တိုင်းအသင်း လူငယ်တိနိုးကြားရီးအသင်း၊ ရခိုင်တိုင်းလုံးဆိုင်ရာ စီးပွားရီးအဖွေ့ချုပ်၊ တိုင်းရင်းသားအစေးအလုံးရို့ ပေါ်ပေါက်လားပြီးကေ ရခိုင်အရီးအခင်း (Arakan Affair) တိုးတက်လာအောင် ကြိုးစားလှုပ်ရှားခကတ်တေ။

အေဒီ ၁၉၃၇-ခု ဒီဇင်ဘာလမာ ရခိုင်တိုင်းလုံးဆိုင်ရာ စီးပွားရီအဖွေ့ချုပ်နန့် တိုင်းရင်းသား အစေးအလုံးရို့ရေ စိုက်တွေ့ တန်းခိုးဆရာကျောင်းမာ မျက်နှာစုံညီဆွေးနွေးပြီးကေ ရခိုင်တိုင်းလုံးဆိုင်ရာ တိုင်းရင်းသားအစေးအရုံးကို တညီတညွတ်တေး တေထောင်လိုက်တေ။

ဥက္ကဌမှာ ဦးသာစံလှ ဒု-ဥက္ကဌမှာ ဦးအောင်ထွန်း ဦးဖြိုက်တေ။

ဒေကာလမာ ရခိုင်အမျိုးသားတော်လှန်ရီးဖြတ်လားခရေ ကာလတစ်ခုပင်ဖြိုက်တေ။ အမျိုးသားဝံသာနုကာလ လှုပ်ရှားမှုတိလုပ်နီရေ ဝံသာနုကာလကို ဖြတ်သန်းနီခရစွာပင်ဖြိုက်တေ။

တနေး အမျိုးသားတော်လှန်ရီး၏ အကြိုကာလတခုကို (ဝါ) အမျိုးသားတော်လှန်ရီး၏ စေးရုံးရီးကာလတုကို ဖြတ်သန်းနိခစွာပင်ဖြိုက်တေ။

ဝံသာနုကာလ (ဝါ) အမျိုးသားတော်လှန်ရီး၏ စေးရုံးရီးကာလရေ ပြေ့ဝမှု၊ ရင့်ကျက်မှုမဟိကေ အမျိုးသားတော်လှန်ရီးရေ ယော့ကျလားတတ်တေ။

လွေးချောလားတတ်တေ။

အောင်ပွေးမဟိပဲ ဆုံးရှူးလားတတ်တေ။ 

နိုင်ငံတကာဝံသာနုကာလကို လေ့လာကြည့်လိုက်ကေ ယင်းခေတ်ကာလမာ ကိုယ်ဆိုင်ရာ အမျိုးသားလက္ခဏာကိုဖော်ထုတ်ခြင်း၊ အမျိုသားလက္ခဏာ ပြန်လေဆန်းသစ်ရီးပြုလုပ်ခြင်း၊ အမျိုးချိုက်ပြေချိုက် လူလတ်တန်းစားက ဦးဆောင်စွာကိုတွိ့ရရေ။ 

တရုတ်ပြေ ဝံသာနုကာလမှာ ဒေါက်တာဆွန်ယက်ဆင်ပိုင် တရုတ်ပညာတတ်ရို့ကား ဦးဆောင်စွာကိုတွိ့ရရေ။

အိန္ဒိယပြေ ဝံသာနုကာလမှာ မဟတ္တမဂန္ဒီရို့ ဦးဆောင်ခရေ။

ဗမာပြေဝံသာနုကာလကို အ သျှင်ဦးဥတ္တမမထေရ်၊ သခင်ကိုယ်တော်မှိုင်း၊ ဒေါက်တာဘမော်ရို့ပိုင် ပညာတတ်ရို့ ဦးဆောင်စွာကိုတွိ့ရရေ။

အဂယင့်ပင် ဝံသာနုကာလမာ နေချဲ့ကိုဆန့်ကျင်ပြီးကေ အမျိုးသားလက္ခဏာ အရပ်ရပ်ကို ဖော်ထုတ်ရရေ။

နေချဲရို့၏ ဝါးမျိုဖုံးလွမ်းဖို့ကြိုးစားချက် အရပ်ရပ်ကိုကာကွယ်ရရေ။ ကိုယ့်အမျိုးသားယဉ်ကျေးမှုဘောင်၊ အမျိုးသားအောင်ရို့ကို ဖော်ထုတ်ရရေ။ မြှင့်တင်ရရေ။

ကိုယ်နိုင်ငံ၊ ကိုယ့်အမျိုး သားယဉ်ကျေးမှု၊ ကိုယ့်စာပီဆိုရေ ကြွေးကြော်သံရို့ကို ပြောင်ပြောင်မြောက်မြောက် ဖော်ထုတ်ပီးရရေ။

အမျိုးသားရီး

စိတ်ဓါတ်နန့် ယဉ်ကျေးမှုအင်အား (National Spirit and Cultural) ရို့ကို အမျိုးသားတရပ်လုံးမှာ ပြေ့ဝရင့်ကျက်လာအောင် ခိုင်မာလာအောင်၊ လုပ်ဆောင်ပီးရရေ။ ယင်ဒကတဆင့် နိုင်ငံရီးအင်အား Political Force ကို သိပ္ပနေးကျကျတွန်းပီးရရေ။ အထူးမှတ်သားစရာ ဒေပိုင်အင်အားကို တွန်းပီရေအခါ ရေးရင့်ပြတ်သားရရေ။

တခါတခါ လက်နက်ကိုင်တော်လှန်ရီးထိ တောက်လျှောက်လုပ်ဆောင်လားရစွာကို ကမ္ဘာ သမိုင်း အရပ်ရပ်မှာ သိနိုင်ရေ။

အေအပိုင်းနန့် ပတ်သတ်လို့ မြောက်ကိုရီးယားသမိုင်းမာ ပုံစံစရာ နမူနာယူစရာကောင်းတခုပင်ဖြိုက်တေ။